1 Tawarikh

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29


Chapter 1

1 Sarakata indatu bansa Israel nibak Nabi Adam sampoe ubak Nabi Nuh nyang meuturot-turot na kheueh lagéenyoe:: Nabi Adam Set Enos Kenan Mahalaleel Yared Henokh Metusalah Lamekh Nabi Nuh Aneuëk agam Nabi Nuh na lhée droe: Sem, Ham dan Yafet.
5 Aneuëk-aneuëk agam Yafet na kheueh: Gomer, Magog, Madai, Yawan, Tubal, Mesekh dan Tiras. Awaknyan na kheueh indatu bansa-bansa nyang teupeugah meunurot nan awaknyan.
6 Keuturonan Gomer na kheueh ureuëng Askenas, Rifat dan Togarma.
7 Keuturonan Yawan na kheueh ureuëng Elisa, Spanyol, Siprus dan Rodes.
8 Aneuëk agam Ham na kheueh Kus, Meusé, Libia dan Kanaan. Awaknyan na kheueh indatu bansa-bansa nyang teupeugah meunurot nan awaknyan.
9 Keuturonan Kus na kheueh ureuëng Seba, Hawila, Sabta, Raema dan Sabtekha. Keuturonan Raema na kheueh ureuëng Syeba dan Dedan. (
10 Kus na teuma meuaneuëk sidroe aneuëk agam nyang geuboh nan Nimrod, nyang jeuet raja nyang peukasa nyang phon-phon that di donya nyoe.)
11 Keuturonan Meusé na kheueh ureuëng Lidia, Anamim, Lehabim, Naftuhim,
12 Patrusim, Kasluhim, dan Kreta. Awaknyan kheueh indatu ureuëng Filistin.
13 Aneuëk-aneuëk Kanaan na kheueh Sidon, nyang paleng tuha, dan Het. Awaknyan na kheueh indatu bansa-bansa nyang teupeugah meunurot nan awaknyan.
14 Kanaan teupeugah cit indatu ureuëng Yebusi, Amori dan Girgasi,
15 Hewi, Arki, Sini,
16 Arwadi, Semari dan Hamati.
17 Aneuëk-aneuëk agam Sem na kheueh Elam, Asyur, Arpakhsad, Lud, Aram, Us, Hul, Geter dan Mesekh. Awaknyan na kheueh indatu bansa-bansa nyang teupeugah meunurot nan droe awaknyan.
18 Arpakhsad na kheueh bapak Selah, dan Selah bapak si Eber.
19 Eber na teuma geumeu aneuëk dua droe aneuëk agam; nyang tuha nan jih Peleg sabab nibak jamén jih bansa-bansa didonya teupeu jeumba-jeumba; nyang keudua nan jih Yoktan.
20 Keuturonan Yoktan na kheueh ureuëng Almodad, Selef, Hazar-Mawet, Yerah,
21 Hadoram, Uzal, Dikla,
22 Ebal, Abimael, Syeba,
23 Ofir, Hawila dan Yobab.
24 Silsilah indatu bansa Israel nibak Sem sampoe trok ubak Nabi Ibrahim meuturot-turot na kheueh lagée nyoe: Sem Arpakhsad Selah Eber Peleg Rehu Serug Nahor Terah Brahim (nyang meusyeuhu deungon nan Nabi Ibrahim)
28 Nabi Ibrahim na geumeu aneuëk dua droe nyang agam, na kheueh Nabi Ishaq dan Nabi Ismail.
29 Nyoe kheueh aneuëk-aneuëk Nabi Ismail: nyang paleng tuha nan jih Nebayot, óh lheueh nyan Kedar, Adbeel, Mibsam,
30 Misma, Duma, Masa, Hadad, Tema,
31 Yetur, Nafis dan Kedma.
32 Nabi Ibrahim na geupeulara gundek dan nan gundek nyan na kheueh Ketura. Nibak gundek geuh nyan lahé teuma napadub droe aneuëk agam dan lamkawan aneuëk-aneuëk geuh nyan na kheueh: Zimran, Yoksan, Medan, Midian, Isybak dan Suah. Yoksan na teuma geumeu aneuëk nyang agam dua nyang nan-nan aneuëk geuhnyan na kheueh: Syeba dan Dedan.
33 Meunan cit si Midian na teuma geumeu aneuëk meupadub droe nyang agam nyang geuboh nan maséng-maséng: Efa, Efer, Hanokh, Abida dan Eldaa.
34 Nabi Ishaq aneuëk Nabi Ibrahim na teuma geumeu aneuëk dua droe aneuëk agam, aneuëk-aneuëk geuhnyan na kheueh: Esau dan Nabi Yakub (nyang meusyeuhu deungon nan Israel).
35 Aneuëk-aneuëk agam Esau na kheueh Elifas, Rehuel, Yeus, Yaelam dan Korah.
36 Elifas na kheueh indatu nibak sukée Téman, Omar, Zefi, Gaetam, Kenas, Timna dan Amalek.
37 Rehuel na kheueh indatu nibak sukée Nahat, Zerah, Syama dan Miza.
38 Peunduduek aseuli nibak tanoh Edom na kheueh keuturonan aneuëk-aneuëk Seir, awaknyan na kheueh: Lotan, Syobal, Zibeon, Ana, Disyon, Ezer dan Disyan. Aneuëk-aneuëk agam Lotan na kheueh Hori dan Homam. Lotan na teuma sidroe syedara jih nyang inong nyang nanjih Timna. Aneuëk-aneuëk agam Syobal na kheueh: Alyan, Manahat, Ebal, Syefi dan Onam. Aneuëk-aneuëk agam Zibeon na kheueh: Aya dan Ana. Aneuëk Ana na kheueh Disyon, dan aneuëk Disyon na kheueh Hamran, Esyban, Yitran dan Keran. Aneuëk-aneuëk agam Ezer na kheueh Bilhan, Zaawan dan Yaakan. Aneuëk-aneuëk agam Disyan na kheueh Us dan Aran.
43 Sigohlom na raja nyang mat peurintah di nanggroe Israel, tanoh Edom jipeurintah meuturot-turot lé raja-raja nyang teupeugah nyoe: Bela aneuëk Beor nibak Dinhaba Yobab aneuëk Zerah nibak Bozra Husyam nibak daerah ureuëng Téman Hadad aneuëk Bedad nibak Awit (gobnyan kheueh nyang peutaloe ureuëng Midian dimideuen prang didaerah Moab), Samla nibak Masyreka Saul di Rehobot nibak binéh krueng Baal-Hanan aneuëk Akhbor Hadad di Pahi (peurumoh gobnyan na kheueh Mehetabeel, aneuëk Matred dan cucoe Mezahab).
51 Bansa Edom nyan na jitamong keunan keu sukée: Timna, Alya, Yetet,
52 Oholibama, Ela, Pinon,
53 Kenas, Téman, Mibzar,
54 Magdiel dan Iram, maséng-maséng meunurot nan ulée sukée.


Chapter 2

1 Aneuëk agam Nabi Yakub na dua blaih droe: Ruben, Simeon, Lewi, Yehuda, Isakhar, Zebulon,
2 Dan, Nabi Yusuf, Benyamin, Naftali, Gad, Asyer.
3 Aneuëk agam Yehuda na teuma limong droe. Nibak peurumoh geuh nyang nan jih Batsyua, ureuëng inong nibak Kanaan, lahé Er, Onan dan Sela; nibak peurumoh geuh nyang nan jih Tamar, na kheueh aneuëk meulintée gobnyan keudroe, lahé teuma Peres dan Zerah. Er aneuëk tuha Yehuda nyan lumpah jeuhet akai jih, sampoe TUHAN geupoh maté aneuëk nyan.
5 Peres na teuma geumeu aneuëk dua droe aneuëk agam, awaknyan na kheueh Hezron dan Hamul.
6 Zerah na teuma limong droe aneuëk agam: Zimri, Etan, Heman, Kalkol dan Dara.
7 Akhan aneuëk Karmi keuturonan Zerah, jipeuteuka bala ateueh Israel sabab gobnyan geucok barang nyang teureupah dalam prang nyang teupeu khusos keu Po teu Allah.
8 Aneuëk agam Etan na kheueh Azarya.
9 Hezron na geumeu aneuëk lhée droe aneuëk agam: Yerahmeel, Ram dan Kaleb.
10 Garéh keuturonan nibak Ram sampoe ubak Isai na kheueh lagéenyoe: Ram Aminadab Nahason (sidroe lamkawan tokoh sukée Yehuda)
11 Salmon Boas
12 Obed Isai
13 Aneuëk agam Isai na tujoh droe. Dan nyoe kheueh nan-nan awaknyan meunurot urotan umu: Eliab, Abinadab, Simea,
14 Netaneel, Radai,
15 Ozem, Nabi Daud.
16 Isai na teuma geumeu aneuëk dua droe aneuëk inong: Zeruya dan Abigail, Zeruya na teuma geumeu aneuëk lhée droe: Abisai, Yoab dan Asael.
17 Abigail geumeukawen teuma deungon Yeter keuturonan Nabi Ismail. Awaknyan na teuma sidroe aneuëk agam nyang geuboh nan Amasa.
18 Kaleb aneuëk Hezron geumeukawen deungon Azuba, dan nibak inong geuhnyan lahé teuma sidroe aneuëk inong nyang geuboh nan Yeriot. Yeriot nyoe na teuma geumeu aneuëk lhée droe: Yeser, Sobab, Ardon.
19 Óh ka lheueh Azuba meuninggai donya, Kaleb laju geumeukawen deungon Efrat dan nibak hase meukawen geuhnyan lahé teuma sidroe aneuëk agam nyang geuboh nan Hur.
20 Aneuëk agam Hur geuboh nan Uri dan cucoe gobnyan geuboh nan Bezaleel.
21 Bak watée Hezron ka meu umu 60 thon gobnyan geumeukawen teuma deungon syedara inong Gilead, aneuëk Makhir. Awaknyan meuteumé teuma sidroe aneuëk agam nyang geuboh nan Segub,
22 dan Segub na teuma sidroe aneuëk agam nyang geuboh nan Yair, dan Yair nyan na geukuasa
23 boh gampông didalam wilayah Gilead.
23 Teuma lé keurajeuen Gesur dan keurajeuen Aram jijak prang laju dan jipeutaloe na 60 boh gampông didalam wilayah nyan meunan cit deungon gampông-gampông ureuëng Yair ka keunong jiprang, gampông Kenat, meunan cit deungon gampông-gampông nyang ubit nyang na di silingka nyan. Banmandum ureuëng nyang na tinggai disinan na kheueh keuturonan Makhir ayah nibak Gilead.
24 Óh ka lheueh Hezron meuninggai donya, Kaleb aneuëk gobnyan jimeukawen deungon Efrat balée peurumoh bapak gobnyan. Aneuëk geuh nyang agam geuboh nan Asyur; dan nyan kheueh nyang peudong banda Tekoa.
25 Yerahmeel aneuëk tuha nibak Hezron na teuma geumeu aneuëk limong droe aneuëk agam: nyang paleng tuha nan jih Ram, Buna, Oren, Ozem dan Ahia.
26 Ram na teuma geumeu aneuëk lhée droe aneuëk agam: Maas, Yamin dan Eker. Yerahmeel na teuma ureuëng inong geuh nyang laén nyang meunan Atara; nibak awaknyan lahé teuma sidroe aneuëk agam nyang geuboh nan Onam.
28 Aneuëk agam si Onam nyan na teuma dua droe: Samai dan Yada. Dan Samai nyan pi na teuma geumeu aneuëk dua droe aneuëk agam, nyang geuboh nan Nadab dan Abisur.
29 Abisur jimeukawen teuma deungon Abihail dan aneuëknyan lahé teuma dua droe aneuëk agam; Ahban dan Molid.
30 Nadab aduen nibak Abisur na teuma geumeu aneuëk dua droe aneuëk agam nyan geuboh nan Seled dan Apaim, teuma Seled meuninggai donya hana jitinggai aneuëk agam meusidroe pih.
31 Apaim na kheueh ureuëng syiek nibak Yisei, Yisei ureuëng syiek Sesan, dan Sesan ureuëng syiek Ahlai.
32 Yada syedara Samai na teuma dua droe aneuëk agam nyang geuboh nan Yeter dan Yonatan. Teuma Yeter meuninggai donya hana geutinggai meusidroe aneuëk agam pi.
33 Yonatan na geumeu aneuëk dua droe aneuëk agam, Pelet dan Zaza. Awaknyan banmandum na kheueh keuturonan Yerahmeel.
34 Sesan hana aneuëk agam, nyang na aneuëk inong. Namiet gobnyan sidroe ureuëng nibak nanggroe Meusé nyang nan jih Yarha,
35 jipeukawen deungon sidroe lamkawan aneuëk gobnyan. Awaknyan na sidroe aneuëk agam nyang teuboh nan Atai.
36 Garéh keuturonan nibak Atai sampoe ubak Elisama nyang meuturot-turot na kheueh lagée nyoe: Atai Natan Zabad Eflal Obed Yehu Azarya Heles Elasa Sismai Salum Yekamya Elisama
42 Kaleb syedara Yerahmeel na sidroe aneuëk agam nyang geuboh nan Mesa. Jihnyan aneuëk tuha. Mesa na kheueh bapak Zif, Zif nyan bapak si Maresa, dan Maresa bapak si Hebron.
43 Hebron na teumé geumeu aneuëk peuet droe aneuëk agam: Korah, Tapuah, Rekem dan Sema.
44 Sema na kheueh bapak Raham. Cucoe Sema nan jih Yorkeam. Rekem aduen Sema na kheueh ureuëng syiek Samai;
45 Samai bapak si Maon, dan Maon ureuëng syiek si Bet-Zur.
46 Kaleb na teuma geupeulara gundek nyang nan geuh Efa. Awaknyan na lhée aneuëk agam nyang nan jih Haran, Moza dan Gazes. Dan Haran na cit aneuëk jih nyan nan jih Gazes. (
47 Na sidroe ureuëng nyang nan gobnyan Yohdai na geumeu aneuëk nam droe aneuëk agam: Regem, Yotam, Gesan, Pelet, Efa dan Saaf.)
48 Kaleb na lom gundek nyang laén nyang nan jih Maakha. Deungon gundek geuhnyan Kaleb na teuma geumeu aneuëk dua droe aneuëk agam: Seber dan Tirhana;
49 óh lheuehnyan awaknyan meuteumé lom dua droe trek aneuëk agam nyang geuboh nan: Saaf dan Sewa. Saaf na kheueh nyang peudong banda Madmana, dan Sewa nyang peudong banda Makhbena dan Gibea. Kaleb na lom sidroe aneuëk inong nyang geuboh nan Akhsa.
50 Dan nyang seulanjut jihnyoe na kheueh keuturonan Kaleb: Hur na kheueh aneuëk tuha nibak Kaleb deungon peurumoh jih Efrat. Syobal aneuëk Hur na kheueh nyang peudong banda Kiryat-Yearim.
51 Salma aneuëk gobnyan nyang keudua na kheueh nyang peudong banda Betlehem; dan Haref aneuëk gobnyan nyang keulhée nyang peudong banda Bet-Gader.
52 Syobal nyang peudong banda Kiryat-Yearim na kheueh indatu ureuëng Haroë, indatu rab siteungoh peunduduek Menuhot,
53 dan indatu kawöm-kawöm nyang na tinggai di Kiryat-Yearim, na kheueh kawöm Yetri, Puti, Sumati dan Misrai. (Peunduduek banda Zora dan Esytaol na kheueh ureuëng-ureuëng nyang meuasai nibak kawöm nyang teupeugah nyan.)
54 Salma nyang peudong banda Betlehem na kheueh indatu ureuëng Netofa, ureuëng Atarot-Bet-Yoab, dan ureuëng Zori, na kheueh saboh nibak keudua kawöm nyang na tinggai di Manahti.
55 Dari kawöm Tirati, Simati dan Sukati nyang tinggai di banda Yabes na ureuëng-ureuëng nyang ahli dalam hai teumuléh dan seumaleun surat-surat nyang peunteng. Awaknyan na kheueh ureuëng-ureuëng Keni nyang jimeukawen deungon ureuëng Rekab.


Chapter 3

1 Aneuëk-aneuëk agam Nabi Daud nyang lahé di Hebron, meunurot urotan umu jih na kheueh:
2 Ban nam droe aneuëk agam Nabi Daud nyan lahé di Hebron di teumpat Nabi Daud geumat keurajeuen 7,5 thon treb jih. Di Yerusalem Nabi Daud geumat peurintah na
3 thon treb jih,
4 dan le that aneuëk agam gobnyan nyang lahé disinan. Deungon ureuëng binoe geuh nyang nan jih Batsyeba aneuëk Amiel, Nabi Daud na teuma
5 droe aneuëk agam nyang lahé di Yerusalem: Simea, Sobab, Natan dan Nabi Sulaiman.
6 Na cit sikureueng droe aneuëk agam gobnyan nyang laén: Yibhar, Elisua, Elifelet,
7 Nogah, Nefeg, Yafia,
8 Elisama, Elyada, dan Elifelet.
9 Seulaén awaknyan mantong na aneuëk-aneuëk agam Nabi Daud nyang laén nyang lahé nibak gundek-gundek geuh. Dan na cit sidroe aneuëk inong gobnyan nyang geuboh nan Tamar.
10 Silsilah Raja-raja Israel nibak Raja Nabi Sulaiman trok ubak Yosia na kheueh nyang teupeugah nyoe: Nabi Sulaiman, Rehabeam, Abiam, Asa, Yosafat, Yehoram, Ahazia, Yoas, Amazia, Uzia, Yotam, Ahas, Hizkia, Manasye, Amon dan Yosia.
15 Yosia na teuma geumeu aneuëk peuet droe aneuëk agam: Yohanan, Yoyakim, Zedekia dan Yoahas.
16 Yoyakim na teuma geumeu aneuëk dua droe aneuëk agam nyang geuboh nan Yoyakhin dan Zedekia.
17 Nyoe kheueh keuturonan Raja Yoyakhin, raja nyang jidroeb lé ureuëng Babel. Aneuëk geuh nyang agam na 7 droe: Sealtiel,
18 Malkhiram, Pedaya, Syenazar, Yekamya, Hosama dan Nedabya.
19 Pedaya na teuma dua droe aneuëk agam: Zerubabel dan Simei. Zerubabel na teuma dua droe aneuëk agam: Mesulam dan Hananya, dan sidroe aneuëk inong nyang geuboh nan Selomit.
20 Na lom limong droe aneuëk agam: Hasuba, Ohel, Berekhya, Hasaja dan Yusab-Hesed.
21 Hananya na teuma geumeu aneuëk dua droe aneuëk agam: Pelaca dan Yesaya. Yesaya na kheueh bapak si Refaya, Refaya bapak si Arnan, Arnan bapak Obaja, dan Obaja bapak Sekanya.
22 Sekanya na teuma jimeu aneuëk sidroe aneuëk agam nyang geuboh nan Semaya, dan Semaya na teuma geumeu aneuëk limong droe aneuëk agam nyang jiboh nan Hatus, Yigal, Bariah, Nearya dan Safat.
23 Aneuëk agam Nearya na teuma lhée droe: Elyoënai, Hizkia dan Azrikam.
24 Elyoënai na teuma jimeu aneuëk tujoh droe aneuëk agam: Hodawya, Elyasib, Pelaya, Akub, Yohanan, Delaya dan Anani.


Chapter 4

1 Teuma óh dudoe awaknyoe na kheueh siladum nibak keuturonan Yehuda: Peres, Hezron, Karmi, Hur dan Syobal.
2 Syobal na kheueh bapak nibak Reaya, Reaya bapak si Yahat. Yahat na teuma jimeu aneuëk dua droe aneuëk agam: Ahumai dan Lahad. Awaknyan na kheueh indatu nibak peunduduek banda Zora.
3 Aneuëk agam nyang tuha nibak Kaleb deungon peurumoh gobnyan nyang nan jih Efrat na kheueh Hur. Keuturonan Hur na kheueh nyang peudong banda Betlehem. Etam, Pnuel dan Ezer na kheueh aneuëk-aneuëk Hur. Etam na teuma jimeu aneuëk lhée droe aneuëk agam nyang nanjih Yizreel, Isma dan Idbas, dan sidroe aneuëk inong nyang nanjih Hazelelponi. Pnuel jipeudong banda Gedor dan Ezer jipeudong banda Husa.
5 Asyhur nyang peudong banda Tekoa na dua droe peurumoh, nan peurumoh jih nyan na kheueh Hela dan Naara.
6 Deungon Naara gobnyan na meuteumé peuet droe aneuëk agam: Ahuzam, Hefer, Temeni dan Ahastari.
7 Deungon Hela, Asyhur na teuma meuteumé lhée droe aneuëk agam: Zeret, Yezohar dan Etnan.
8 Anub dan Hezobeba na kheueh aneuëk agam Kos indatu kawöm keuturonan Aharhel aneuëk Harum.
9 Na sidroe ureuëng agam nyang nanjih Yabes; ureuëng nyan leubeh jihoreumat nibak syedara-syedara jih. Ureuëng nyan jiboh nan Yabes lé mak gobnyan, sabab mak gobnyan lumpah that meudeurita bak watée teupeulahé jihnyan.
10 Teuma Yabes jimeudoá ubak Po teu Allah nyang jiseumah lé ureuëng Israel, jipeugah, "Ya Allah, neubri kheueh beureukat keu ulôn, dan neupeuluwah kheueh kira jih wilayah ulôn. Neulindong kheueh ulôn dan neupeujiôh kheueh bala nibak ulôn mangat ulôn hana meudeurita." Dan doá Yabesnyan laju geuteurimong lé Po teu Allah.
11 Kelub syedara Suha na sidroe aneuëk agam nyang jiboh nan Mehir. Aneuëk Mehir nan jih Eston,
12 dan Eston na teuma lhée droe aneuëk agam, nan-nan aneuëk nyang lhée droe nyan na kheueh: Bet-Rafa, Paseah dan Tehina, nyang peudong banda Nahas. Keuturonan ureuëng-ureuëng nyan tinggai jih di banda Reka.
13 Kenas na teuma dua droe aneuëk agam: Otniel dan Seraya. Meunan cit Otniel na teuma jimeu aneuëk dua droe aneuëk agam, nan aneuëknyan na kheueh Hatat dan Meonotai. Aneuëk Meonotai na kheueh Ofra.
14 Aneuëk Zeraya na kheueh Yoab nyang peudong Pantôn Seumeuget. Banmandum peunduduek di pantôn nyan na kheueh ureuëng-ureuëng carông bak jipeuget buet jaroe.
15 Kaleb aneuëk Yefune na teuma lhée droe aneuëk agam: Iru, Ela dan Naam. Aneuëk Ela na kheueh Kenas.
16 Yahaleleel na jimeu aneuëk peuet droe aneuëk agam: Zif, Zifa, Tireya dan Asareel.
17 Aneuëk agam Ezra na teuma peuet droe: Yeter, Mered, Efer dan Yalon. Mered jimeukawen deungon Bica putroe raja nanggroe Meusé. Nibak hase meukawen nyan lahé teuma sidroe aneuëk inong nyang jiboh nan Miryam, dan dua droe aneuëk agam nyang jiboh nan Samai dan Yisba. Yisba na kheueh nyang peudong banda Estemoa. Mered meunan cit jimeukawen deungon sidroe ureuëng inong nibak sukée Yehuda; dan nibak hase jimeukawen nyan lahé lhée droe aneuëk agam: Yered nyang peudong banda Gedor, Heber nyang peudong banda Sokho, dan Yekutiel nyang peudong banda Zanoah.
19 Hodia jimeukawen teuma deungon syedara ureuëng inong Naham. Keuturonan awaknyan na kheueh indatu nibak kawöm Garmi dan kawöm Maakha. Kawöm Garmi nyan tinggai di banda Kehila, dan Kawöm Maakha tinggai di banda Estemoa.
20 Simon na teuma peuet droe aneuëk agam: Amnon, Rina, Benhanan dan Tilon. Yisei na teuma jimeu aneuëk dua droe aneuëk agam: Zohet dan Ben-Zohet.
21 Sidroe lamkawan aneuëk Yehuda nan jih Sela. Keuturonan jih na kheueh lagéenyoe: Er nyang peudong banda Lekha Lada nyang peudong banda Maresa Kawöm tukang tumpeun ija lineun di banda Bet-Asybea Yokim Peunduduek banda Kozeba Yoas Saraf nyang jimeukawen deungon ureuëng-ureuëng inong Moab dan óh lheuehnyan jigisa u Betlehem. Dafeutarnyan teukuteb nibak catetan awai.
23 Awaknyan banmandum jipeugöt kendi dan guci keuraja dan tinggai di banda Netaim dan Gedera.
24 Simeon na limong droe aneuëk agam: Nemuel, Yamin, Yarib, Zerah dan Saul.
25 Keuturonan Saul na kheueh lagéenyoe: Salum Mibsam Misma Hamuel Zakur Simei.
27 Simei na jimeu aneuëk 22 droe: 16 droe agam dan 6 droe inong. Teuma syedara-syedara Simei cut aneuëk jih. Keuturonan Simeon hana padub le lagée keuturonan Yehuda.
28 Sampoe ubak masa Raja Nabi Daud, keuturonan Simeon tinggai di banda-banda nyang teupeugah nyoe: Bersyeba, Molada, Hazar-Sual,
29 Bilha, Ezem, Tolad,
30 Betuel, Horma, Ziklag,
31 Bet-Markabot, Hazar-Susim, Bet-Biri dan Saaraim.
32 Meunan cit awaknyan tinggai nibak limong boh teumpat nyang laén, teumpat-teumpat nyan na kheueh: Etam, Ain, Rimon, Tokhen, Asan,
33 dan di gampông-gampông nyang tô-tô deungon teumpatnyan sampoe sijiôh banda Baal dibagian barat daya. Meunan kheueh catetan nyang na nibak keuturonan Simeon keuhai silsilah dan teumpat-teumpat tinggai awaknyan.
34 Nyang seulanjut jih nyoe na kheueh nan-nan ulée kawöm lam sukée Simeon: Mesobab Yamlekh Yosa aneuëk Amazia Yoël Yehu aneuëk Yosibya (Yosibya na kheueh aneuëk Seraya, cucoe Asiel), Elyoënai Yaakoba Yesohaya Asaya Adiel Yesimiel Benaya Ziza aneuëk Sifei (garéh silsilah nibak Sifei u ateueh na kheueh: Alon, Yedaya, Simri, Semaya). Kareuna keuluwarga-keuluwarga awaknyan hana putôh meutamah-tamah,
39 teuma awaknyan laju meusipreuk u barat sampoe trok bak binéh banda Gedor nyang teuduek nibak saboh pantôn. Di siblaih u timu pantônnyan lé awaknyan laju meurumpok ngon padang naleueng nyang suboe lom luwah dan teunang keu beulatang peulara awaknyan. Yoh masa ilée daerahnyan jikeumiet lé ureuëng-ureuëng Ham nyang udeb damé.
41 Bak jamén Hizkia raja Yehuda nyang keuturonan Simeon nyan jijak prang Gedor. Bube nyang na khimah-khimah peunduduek banda nyan ka habéh jipeuhanco sampoe teubayeung meunan cit deungon ureuëng Meunim, laju jiuse peunduduek disinan. Óh lheuehnyan awaknyan laju tinggai teutab disinan sabab le padang naleueng teumpat jimeurot beulatang peulara awaknyan.
42 Dimiyueb pimpénan aneuëk-aneuëk Yisei, na kheueh Pelaca, Nearya, Refaya dan Uziel, 500 droe anggota nyang laén dimiyueb sukée Simeon jiminah u Edom di siblaih u timu.
43 Awaknyan laju jipoh maté bubena ureuëng-ureuëng Amalek nyang na mantong tinggai disinan, dan óh lheuehnyan laju jitinggai teutab disinan phon watéenyan.


Chapter 5

1 Ruben na kheueh aneuëk tuha Nabi Yakub. Teuma sabab lé Ruben nyan ka jipeurusak ngon cara jimeumukah deungon sidroe gundek bapak jinyan, teuma hak jihnyan sibagoe aneuëk tuha laju geutarek dan geubri laju keu Nabi Yusuf. Dan bahpi lagéenyan teuma nyang paleng teuga lamkawan keuturonan Nabi Yakub kon keuturonan Nabi Yusuf teuma na kheueh keuturonan Yehuda. Meunan cit nyang paleng awai jeuet keuraja bansaboh nanggroe Israel na kheueh keuturonan Yehuda.
3 Ruben aneuëk tuha Nabi Yakub, na jimeu aneuëk peuet droe aneuëk agam: Henokh, Palu, Hezron dan Karmi.
4 Nyoe kheueh keuturonan-keuturonan Yoël: Semaya, Gog, Simei, Mikha, Reaya, Baal dan Beera. Beera na kheueh peumimpén sukée Ruben bak watée gobnyan jidroeb lé Tiglat-Pileser raja nibak nanggroe Asyur, dan laju jijak böih u teumpat nyang teuböih.
7 Lam silsilah na cit teucetet nan-nan ulée kawöm nyang teupeugah lom nyoe dalam sukée Ruben: Yeiel, Zakharia,
8 dan Bela aneuëk Azas, cucoe Sema nibak kawöm Yoël. Sukée Ruben tinggai di Aroër dan diwilayah nyang phon di Aroër sampoe u arah nyang trok u Nebo dan Baal-Meon.
9 Awaknyan lumpah le geupeulara beulatang peulara di daerah Gilead. Lé sabab nyan, awaknyan laju jijakduek u wilayah dibagian timu sampoe trok u padang pasi nyang meulinteung bansipanyang Krueng Efrat.
10 Bak jamén Raja Saul, sukée Ruben jijak prang dan geupeutaloe sukée Hagri disiblaih utimu Gilead, laju jiduek nibak nanggroe nyan.
11 Di siblaih utara wilayah sukée Ruben tinggai sukée Gad di tanoh Basan sampoe sijiôh Salkha disiblaih utimu.
12 Nibak sukée Gad nyan Yoël na kheueh indatu kawöm nyang paleng meusyeuhu, dan Safam na kheueh indatu nyang lumboi dua. Yaenai dan Safat na kheueh indatu nibak kawöm-kawöm nyang laén di Basan.
13 Ureuëng nyang laén didalam sukée Gad jitamong ubak tujoh boh kawöm nyang teupeugah lom nyoe: Mikhael, Mesulam, Syeba, Yorai, Yakan, Ziya dan Eber.
14 Awaknyan na kheueh keuturonan Abihail aneuëk si Huri. Urotan silsilah awaknyan phon di miyueb u ateueh lagée nyang teupeugah nyoe: Abihail, Huri, Yaroah, Gilead, Mikhael, Yesisai, Yahdo, Bus.
15 Ulée banmandum kawöm nyang ka teupeugah nyan na kheueh Ahi aneuëk Abdiel, cucoe Guni.
16 Awaknyan tinggai diwilayah Basan dan Gilead, dan banda-banda nyang na diwilayahnyan meunan cit nibak ban saboh padang naleueng nyang na di Saron.
17 Silsilah nyoe teupeugöt nibak jamén Yotam raja Yehuda dan Yerobeam raja Israel.
18 Di dalam sukée Ruben, sukée Gad dan sukée Manasye nyang na di siblaih u timu Yordan na 44.760 sipa-i nyang ka teulatih deungon get dan ka meupeungalaman lam hai cara teupeuguna alat prang nyang nan jih perisée, peudeueng dan aneuk gando.
19 Awaknyan jijak muprang ngon sukée Yetur, sukée Nafis dan Nodab, nyoe na kheueh sukée-sukée nyang na didalam bansa Hagri.
20 Tantra-tantra nyan jipeucaya ubak Po te Allah, dan jilakée tulông ubak Gobnyan, dan Po teu Allah laju geudeungoe peue nyang ka jilakée lé awaknyan dan laju geupeumeunang keu awaknyan ateueh ureuëng-ureuëng Hagri nyan dan sikutu awaknyan.
21 Sabab muprang nyan teujadi ateueh keuheundak Po teu Allah, lé sabab nyan lumpah jai musoh nyang jipoh maté lé awaknyan. Meunan cit nyang jiteumé teun na 100.000 droe, unta nyang jiteumé reupah na 50.000 boh, bubiri 250.000 boh jitamah lom ngon 2.000 boh keuleudée. Óh lheuehnyan awaknyan laju tinggai teutab di daerah nyan sampoe ubak masa bansa Israel teudrob ngon jiböih u teumpat nyang teuböih.
23 Siladum sukée Manasye na tinggai di wilayah Basan sampoe u utara seujiôh Baal-Hermon, Senir dan Gunong Hermon. Awaknyan maken treb maken le.
24 Nyoe kheueh ulée-ulée kawöm awaknyan: Hefer, Yisei, Eliel, Azriel, Yeremia, Hodawya dan Yahdiel. Awaknyan banmandum na kheueh sipa-i-sipa-i nyang beuhé ngon peukasa.
25 Ureuëng-ureuëng Israel hanale seutia ubak Po teu Allah nyang ka jiseumah lé indatu awaknyan. Awaknyan ka jitinggai Gobnyan dan jimeu iébadat ubak dewa-dewa bansa-bansa nyang ka geu use lé Po teu Allah nibak nanggroe Kanaan.
26 Lé sababnyan Allah laju geupeugrak até Pul raja Asyur, dan jijak kheueh laju geuhnyan geujak prang nanggroenyan. Pul meugah cit ngon nan Tiglat-Pileser. Dan di sukée Ruben, Gad dan sukée Manasye nyang na disiblaih u timu Yordan jiangkot sibagoe tawanan dan jijak böih u Halah, Habor, Hara dan ubak saboh teumpat nyang rab deungon Krueng Gozan. Disinan kheueh awaknyan tinggai teutab sampoe nibak uroenyoe.


Chapter 6

1 Lewi na geumeu aneuëk lhée droe aneuëk agam: Gerson, Kehat dan Merari.
2 Kehat na teuma jimeu aneuëk peuet droe aneuëk agam: Amram, Yizhar, Hebron dan Uziel.
3 Amram na teuma jimeu aneuëk dua droe aneuëk agam, awaknyan na kheueh Nabi Harun ngon Nabi Musa, dan sidroe aneuëk inong nyang geuboh nan Miryam. Nabi Harun na teuma peuet droe aneuëk agam: Nadab, Abihu, Eleazar dan Itamar.
4 Urotan silsilah Eleazar na kheueh nyang teutuléh nyoe: Pinehas, Abisua,
5 Buki, Uzi,
6 Zerahya, Merayot,
7 Amarya, Ahitub,
8 Zadok, Ahimaas,
9 Azarya, Yohanan,
10 Azarya (gobnyan meutugaih di Baét TUHAN nyang geupeugét lé Raja Nabi Sulaiman di Yerusalem),
11 Amarya, Ahitub,
12 Zadok, Salum,
13 Hilkia, Azarya,
14 Seraya, Yozadak.
15 Yozadak nyoe meusigoe jibeuôt dan laju jiba sajan ngon ureuëng Yehuda dan peunduduek Yerusalem nyang laén bak watée TUHAN geujak tiek awaknyan u nanggroe laén deungon peurantaraan Nebukadnezar.
16 Lewi na lhée droe aneuëk agam: Gerson, Kehat dan Merari.
17 Awaknyan maséng-maséng na jimeu aneuëk. Libni dan Simei na kheueh aneuëk-aneuëk Gerson;
18 Amram, Yizhar, Hebron dan Uziel na kheueh aneuëk-aneuëk Kehat.
19 Mahli dan Musi na kheueh aneuëk-aneuëk Merari.
20 Garéh keuturonan Gerson na kheueh: Libni, Yahat, Zima,
21 Yoah, Ido, Zerah, Yeatrai.
22 Garéh keuturonan Kehat na kheueh: Aminadab, Korah, Asir,
23 Elkana, Ebyasaf, Asir,
24 Tahat, Uriel, Uzia, Saul.
25 Elkana na teuma geumeu aneuëk dua droe aneuëk agam: Amasai dan Amihot.
26 Garéh keuturonan Amihot na kheueh: Elkana, Zofai, Nahat,
27 Eliab, Yeroham, Elkana.
28 Samuel na teuma geumeu aneuëk dua droe aneuëk agam: nyang tuha Yoël, dan Abia nyang tulot.
29 Garéh keuturonan Merari na kheueh: Mahli, Libni, Simei, Uza,
30 Simea, Hagia, Asaya.
31 Phon yoh watée Peuto Peujanjian teupinah u teumpat iébadat di Yerusalem, Nabi Daud laju geupiléh ureuëng-ureuëng nyang meutanggong jaweueb ateueh nyanyoe puja ngon pujo di Baét TUHAN.
32 Awaknyan jimeutugaih seucara meugantoe-gantoe di Khimah TUHAN bak watée yoh gohlom Nabi Sulaiman geupeudong Baét TUHAN.
33 Garéh silsilah ureuëng-ureuëng nyang geubri tugaih nyan na kheueh lagéenyoe: Nibak kawöm Kehat: Heman aneuëk Yoël. Gobnyan jeuet keupeumimpén keulompok meunyanyoe nyang phon. Garéh silsilah jih phon di miyueb sampoe u ateueh dan laju sampoe ubak Nabi Yakub na kheueh lagéenyoe: Heman, Yoël, Samuel,
34 Elkana, Yeroham, Eliel, Toah,
35 Zuf, Elkana, Mahat, Amasai,
36 Elkana, Yoël, Azarya, Zefanya,
37 Tahat, Asir, Ebyasaf, Korah,
38 Yizhar, Kehat, Lewi, Nabi Yakub.
39 Asaf na kheueh nyang jeuet keupeumimpén keulompok peunyanyoe nyang keudua. Garéh silsilah jih phon di miyueb u ateueh sampoe trok ubak Lewi na kheueh lagéenyoe: Asaf, Berekhya, Simea,
40 Mikhael, Baaseya, Malkia,
41 Etai, Zerah, Adaya,
42 Etan, Zima, Simei,
43 Yahat, Gerson, Lewi.
44 Etan na kheueh nyang jeuet keu peumimpén keulompok peunyanyoe nyang keu lhée; gobnyan nibak kawöm Merari. Garéh silsilah geuh phon di miyueb u ateueh akhé jih sampoe ubak Lewi na kheueh lagéenyoe: Etan, Kisi, Abdi, Malukh,
45 Hasabya, Amazia, Hilkia,
46 Amzi, Bani, Semer,
47 Mahli, Musi, Merari, Lewi.
48 Tugaih-tugaih nyang laén di rumoh iébadat geuseurah ubak rakan gobnyan nyang ureuëng Lewi cit teuma.
49 Nabi Harun dan keuturonan gobnyan meutugaih geutot keumeunyan, geupeuseumah keureubeuen nyang teutot di ateueh miseubah, geupeubuet peue mantong upacara di Ruweueng Maha Suci, dan geupeuseumah keureubeuen peusampôh desya umat Israel. Banmandum nyan jipeubuet lé awaknyan nyang paih deungon peutunyok-peutunyok nyang ka geubri lé Nabi Musa hamba Po teu Allah.
50 Nyoe kheueh garéh keuturonan Nabi Harun: Eleazar, Pinehas, Abisua,
51 Buki, Uzi, Zerahya,
52 Merayot, Amarya, Ahitub,
53 Zadok, Ahimaas.
54 Nyoe kheueh teumpat tinggai nyang teubri keu kawöm Kehat keuturonan Nabi Harun. Awaknyan jiteurimong jeumba nyang phon nibak tanoh nyang ka teupeuteuntée keu ureuëng Lewi.
55 Tanoh awaknyan na jitamong nibak banda Hebron diwilayah Yehuda, dan padang-padang naleueng nyang na bansilingka nyan.
56 Teuma lampôh-lampôh dan gampông-gampông nyang na di daerah silingka banda nyan teubri keu Kaleb aneuëk Yefune.
57 Keuturonan Nabi Harun meuteumé banda Hebron sibagoe banda suaka, Yatir, dan gampông-gampông nyang na nyang teupeugah lom nyoe meunan cit deungon padang naleueng: gampông Libna, Estemoa, Hilen, Debir, Asan, Bet-Semes.
60 Diwilayah sukée Benyamin awaknyan meuteumé teuma gampông-gampông nyang teupeugah lom nyoe meunan cit deungon padang naleueng jih: Geba, Alemet dan Anatot. Banmandum nyan na 13 boh gampông keu teumpat tinggai keuluwarga-keuluwarga awaknyan.
61 Siploh boh gampông sukée Manasye disiblaih u barat Krueng Yordan geubri deungon cara teu-undi keu keuluwarga-keuluwarga didalam kawöm Kehat nyang gohlom meuteumé tanoh.
62 Keuluwarga-keuluwarga dalam kawöm Gerson meuteumé teuma 13 boh gampông diwilayah sukée Isakhar, Asyer, Naftali dan Manasye nyang di Basan disiblaih u timu Krueng Yordan.
63 Meunan cit deungon keuluwarga-keuluwarga nyang na dalam kawöm Merari meuteumé 12 boh gampông deungon cara teu-undi di dalam gampông wilayah sukée Ruben, Gad dan Zebulon.
64 Meunan kheueh cara jih bansa Israel teubagi keu sukée Lewi gampông-gampông deungon padang naleueng jih keu teumpat tinggai awaknyan.
65 Gampông-gampông nyang na didalam wilayah sukée Yehuda, Simeon dan Benyamin nyang ka teupeugah nyan, meunan cit teubagi ngon cara teu-undi.
66 Di dalam wilayah sukée Efraim, siladum nibak keuluwarga-keuluwarga kawöm Kehat jiteurimong teuma gampông-gampông nyang teupeugah lom nyoe teutamah teuma deungon padang naleueng keuteumpat peumeurot beulatang peulara nyang tô-tô di sikeulileng nyan:
67 Sikhem, banda suaka digunong-gunong nyang na didalam wilayah nyan, Gezer,
68 Yokmeam, Bet-Horon,
69 Ayalon dan Gat-Rimon.
70 Didalam wilayah sukée Manasye nyang na disiblaih u barat Krueng Yordan awaknyan laju jiteurimong gampông Aner dan Bileam deungon padang naleueng nyang na tô-tô diban keulileng nyan.
71 Keuluwarga-keuluwarga kawöm Gerson meuteumé teuma gampông-gampông nyang teupeugah lomnyoe meunan cit teutamah teuma deungon padang naleueng nyang na tô-tô bansikeulileng nyan: Di wilayah sukée Manasye, di siblaih u timu Krueng Yordan: Golan di Basan dan Asytarot.
72 Diwilayah sukée Isakhar: Kedes, Daberat,
73 Ramot dan Anem.
74 Diwilayah sukée Asyer: Masal, Abdon,
75 Hukok dan Rehob.
76 Diwilayah sukée Naftali: Kedes di Galilea, Hamon dan Kiryataim.
77 Keuturonan Merari nyang gohlom meuteumé tanoh, meuteumé teuma gampông-gampông nyang teupeugah nyoe meunan cit deungon padang naleueng nyang na tô-tô bansikeulileng nyan: Diwilayah sukée Zebulon: Rimono dan Tabor.
78 Diwilayah sukée Ruben, disiblaih u timu Krueng Yordan nyang tô deungon Yerikho: Bezer di ateueh darat manyang, Yahas,
79 Kedemot dan Mefaat.
80 Diwilayah sukée Gad: Ramot di Gilead, Mahanaim,
81 Hesybon dan Yaezer.


Chapter 7

1 Isakhar na jimeu aneuëk 4 droe aneuëk agam: Tola, Pua, Yasub dan Simron.
2 Tola na teuma jimeu aneuëk 6 droe aneuëk agam: Uzi, Refaya, Yeriel, Yahmai, Yibsam dan Samuel. Awaknyan na kheueh ulée keuluwarga dalam kawöm Tola dan meusyeuhu sibagoe sipa-i-sipa-i nyang beuhé. Bak masa Nabi Daud, keuturonan awaknyan na jeumeulah jih 22.600 droe.
3 Uzi na sidroe aneuëk agam nyang teuboh nan Yizrahya. Yizrahya dan ban peuet droe aneuëk geuh nyang agam, nyang nan Mikhael, Obaja, Yoël dan Yisia na kheueh ulée kawöm.
4 Peurumoh-peurumoh dan aneuëk-aneuëk awaknyan lumpah that le deungon nyan keuturonan awaknyan hase jipeuna 36.000 droe ureuëng agam keujimeudinaih lam baresan tantra.
5 Meunurot dafeutar reuseumi, nibak banmandum keuluwarga dalam sukée Isakhar na meuteumé 87.000 droe ureuëng agam nyang peunoh syarat mangat jeuet jitamong tantra.
6 Benyamin na geumeu aneuëk lhée droe aneuëk agam: Bela, Bekher dan Yediael.
7 Bela na teuma aneuëk limong droe aneuëk agam: Ezron, Uzi, Uziel, Yerimot dan Iri. Awaknyan na kheueh ulée keuluwarga dalam kawöm droe jih dan meugah sibagoe sipa-i-sipa-i nyang beuhé ngon ceubeuh. Dalam dafeutar keuturonan awaknyan teucetet na 22.034 droe ureuëng agam nyang peunoh syarat keujeuet jitamong tantra.
8 Bekher na teuma jimeu aneuëk
9 droe aneuëk agam: Zemira, Yoas, Eliezer, Elyoënai, Omri, Yeremot, Abia, Anatot dan Alemet.
9 Awaknyan na kheueh ulée keuluwarga dalam kawöm droe jih. Meunurot dafeutar nyang reuseumi, nibak banmandum keuluwarga didalam keuturonan awaknyan na meuteumé 20.200 droe ureuëng agam nyang ka hase peunoh syarat keujeuet jitamong tantra.
10 Yediael na teuma jimeu aneuëk sidroe aneuëk agam nyang teuboh nan Bilhan. Bilhan nyan na teuma jimeu aneuëk 7 droe aneuëk agam: Yeus, Benyamin, Ehud, Kenaana, Zetan, Tarsis dan Ahisahar.
11 Awaknyan na kheueh ulée keuluwarga dalam kawöm droe jih maséng-maséng dan meugah that sibagoe sipa-i-sipa-i nyang beuhé ngon ceubeuh. Lam dafeutar keuturonan awaknyan na teucetet 17.200 droe ureuëng agam nyang peunoh syarat mangat jeuet meudinaih lam tantra.
12 Supim dan Hupim na kheueh keuturonan Ir. Husim na kheueh aneuëk nibak Dan.
13 Naftali na teuma jimeu aneuëk 4 droe aneuëk agam: Yahziel, Guni, Yezer dan Salum. Awaknyan na kheueh cucoe Bilha.
14 Manasye deungon gundek jih, sidroe ureuëng inong asai nibak Aram, na jimeu aneuëk dua droe aneuëk agam: Asriel dan Makhir. Aneuëk Makhir na kheueh Gilead.
15 Makhir jijak mita peurumoh keu si Hupim dan Supim. Nan ureuëng binoe Makhir na kheueh Maakha. Aneuëk Makhir nyang keudua na kheueh Zelafead, dan Zelafead hana teuma meu aneuëk agam, nyang na aneuëk inong.
16 Maakha peurumoh Makhir na jipeulahé dua droe aneuëk agam nyang teuboh nan Peres dan Seres; Peres na teuma jimeu aneuëk dua droe aneuëk agam nyang teuboh nan Ulam dan Rekem.
17 Ulam na teuma jimeu aneuëk sidroe aneuëk agam nyang teuboh nan Bedan. Nyan kheueh keuturonan Gilead aneuëk Makhir, cucoe Manasye.
18 Syedara nyang inong Gilead nan jih Molekhet na jimeu aneuëk lhée droe aneuëk agam: Isyhod, Abiezer dan Mahla.
19 Semida na teuma jimeu aneuëk 4 droe aneuëk agam: Ahyan, Sekhem, Likhi dan Aniam.
20 Efraim na jimeu aneuëk lhée droe: Sutelah, Ezer dan Elad. Garéh keuturonan Efraim rot Sutelah na kheueh Bered, Tahat, Elada, Tahat, Zabad, Sutelah. Ezer dan Elad ka jipoh maté lé gob bak watée jikeuneuk cue beulatang peulara peunduduek aseuli nanggroe Gad.
22 Ureuëng syiek awaknyan meukabong meu-uroe-uroe treb jih sampoe syedara-syedara gobnyan teuka jijak peumangat até ureuëng syiek jih nyan.
23 Óh lheuehnyan Efraim jimeujimak lom deungon ureuëng binoe droe jih, laju ureuëng inong nyan raya pruet dan lahé kheueh teuma sidroe aneuëk agam. Efraim geuboh nan aneuëk geuhnyan Beria, sabab bala nyang ka jiteurimong.
24 Efraim na cit aneuëk inong nyang geuboh nan Seera. Gobnyan kheueh nyang peudong banda-banda Bet-Horon Miyueb dan Bet-Horon Ateueh, meunan cit deungon banda Uza dan Seera.
25 Na lom sidroe teuk aneuëk agam Efraim, nyang geuboh nan Refah. Nyoe kheueh garéh keuturonan Refah nyan: Resef, Telah, Tahan,
26 Ladan, Amihud, Elisama,
27 Nun, Yosua.
28 Wilayah nyang geubri keu teumpat tinggai awaknyan na kheueh di Betel sampoe u Naaran disiblaih u timu, dan Geser di siblaih ubarat meunan cit deungon gampông-gampông nyang na tô-tô bansilingka banda nyan. Dalam wilayah nyan jitamong cit banda Sikhem dan Aya, meunan cit deungon gampông-gampông nyang na tô-tô ban sikeulileng nyan.
29 Keuturonan Manasye jikuasa banda Bet-Sean, Taanakh, Megido, Dor dan gampông-gampông nyang na ban sikeulileng nyan. Nyan kheueh banmandum daerah teumpat tinggai keuturonan Nabi Yusuf aneuëk Nabi Yakub.
30 Nyang tapeugah lom nyoe na kheueh keuturonan Asyer. Gobnyan na jimeu aneuëk 4 droe aneuëk agam: Yimna, Yiswa, Yiswi dan Beria dan sidroe teuk aneuëk inong nyang teuboh nan Serah.
31 Beria na teuma jimeu aneuëk dua droe aneuëk agam, awaknyan na kheueh Heber dan Malkiel nyang peudong banda Birzait.
32 Heber na teuma lhée droe aneuëk agam: Yaflet, Somer, Hotam, dan sidroe aneuëk inong, nyang teuboh nan Sua.
33 Meunan cit deungon Yaflet na teuma jimeu aneuëk lhée droe aneuëk agam: Pasakh, Bimhab dan Asywat.
34 Somer syedara Yaflet na teuma jimeu aneuëk 4 droe aneuëk agam: Ahi, Rohga, Yehuba dan Aram.
35 Hotam, syedara Yaflet nyang sidroe teuk, na teuma jimeu aneuëk 4 droe aneuëk agam: Zofah, Yimna, Seles dan Amal.
36 Keuturonan Sofah na kheueh Suah, Harnefer, Syual, Beri, Yimra,
37 Bezer, Hod, Sama, Silsa, Yitran dan Beera.
38 Keuturonan Yeter na kheueh Yefune, Pispa dan Ara.
39 Keuturonan Ula na kheueh Arah, Haniel, dan Rizya.
40 Nyan kheueh keuturonan Asyer. Awaknyan banmandum na kheueh ulée keuluwarga dan meusyeuhu sibagoe pahlawan-pahlawan nyang beuhé ngon ceubeuh dan peumimpén-peumimpén nyang raya. Dalam dafeutar keuturonan Asyer na teucetet 26.000 droe ureuëng agam nyang ka peunoh syarat mangat jeuet tamong tantra.


Chapter 8

1 Benyamin na geumeu aneuëk limong droe aneuëk agam. Meunurot urotan umu, awaknyan na kheueh: Bela, Asybel, Ahrah,
2 Noha dan Rafa.
3 Keuturonan Bela na kheueh Adar, Gera, Abihud,
4 Abisua, Naaman, Ahoah,
5 Gera, Sefufan dan Huram.
6 Keuturonan Ehud na kheueh Naaman, Ahia dan Gera. Awaknyan na kheueh ulée keuluwarga nyang yohmasa ilée tinggai di Geba. Teuma awaknyan ji use di Geba nyan, dimiyueb pimpénan Gera awaknyan laju jiminah u Manahat dan tinggai disinan. Gera na jimeu aneuëk dua droe aneuëk: Uza dan Ahihud.
8 Saharaim jitaleuk bandua droe peurumoh jih nyang nan Husim dan Baara. Óh lheuehnyan bak watée geuhnyan tinggai di daerah Moab, gobnyan laju meukawen deungon Hodes dan meuteumé tujoh droe aneuëk agam: Yobab, Zibya, Mesa, Malkam,
10 Yeus, Sokhya dan Mirma. Banmandum awaknyan ulée keuluwarga.
11 Deungon peurumoh jih nyan meunan Husim na teuma jimeu aneuëk dua droe aneuëk agam: Abitub dan Elpaal.
12 Aneuëk agam Elpaal na teuma lhée droe: Eber, Misam, Semed. Semed nyoe kheueh nyang peudong banda Ono dan banda Lod meunan cit deungon gampông-gampông nyang na ban sikeulileng nyan.
13 Beria dan Sema na kheueh ulée keuluwarga nyang tinggai di banda Ayalon dan jiuse peunduduek banda Gat.
14 Keuturonan Beria na kheueh Ahyo, Sasak, Yeremot, Zebaya, Arad, Eder, Mikhael, Yispa dan Yoha.
17 Keuturonan Elpaal na kheueh Zebaja, Mesulam, Hizki, Heber,
18 Yismerai, Yizlia dan Yobab.
19 Keuturonan Simei na kheueh Yakim, Zikhri, Zabdi,
20 Elyoënai, Ziletai, Eliel
21 Adaya, Beraya dan Simrat.
22 Keuturonan Sasak na kheueh Yispan, Eber, Eliel,
23 Abdon, Zikhri, Hanan,
24 Hanaya, Elam, Antotia,
25 Yifdeya dan Pnuel.
26 Keuturonan Yeroham na kheueh Samserai, Seharya, Atalya,
27 Yaaresya, Elia dan Zikhri.
28 Nyan kheueh ulée keuluwarga dan peumimpén-peumimpén nyang na teucetet didalam silsilah awaknyan. Awaknyan tinggai di Yerusalem.
29 Yeiel jipeudong banda Gibeon, óh lheuehnyan gobnyan laju tinggai di banda nyang jipeudong nyan. Ureuëng binoe jihnyan nyang nan Maakha,
30 dan awaknyan na jimeu aneuëk 10 droe aneuëk agam: Abdon nyang paleng tuha, óh lheueh nyan Zur, Kish, Baal, Ner, Nadab,
31 Gedor, Ahyo, Zakharia,
32 dan Miklot bapak Simea. Keuturonan awaknyan tinggai teutab di Yerusalem meusapat deungon keuluwarga-keuluwarga nyang laén nyang saboh kawöm deungon gobnyan.
33 Ureuëng syiek Raja Saul nan jih Kis dan nék geuh nan jih Ner. Saul na jimeu aneuëk 4 droe aneuëk agam: Yonatan, Malkisua, Abinadab dan Esybaal.
34 Yonatan na jimeu aneuëk sidroe aneuëk agam nyang jiboh nan Meribaal, ureuëng syiek si Mikha.
35 Mikha na teuma jimeu aneuëk 4 droe aneuëk agam: Piton, Melekh, Tahrea dan Ahas.
36 Aneuëk Ahas nyang nan Yoada na teuma lhée droe aneuëk agam: Alemet, Azmawet dan Zimri. Garéh keuturonan Zimri nyan na kheueh Moza,
37 Bina, Rafa, Elasa, Azel.
38 Azel na teuma jimeu aneuëk nam droe aneuëk agam: Azrikam, Bokhru, Ismail, Searya, Obaja dan Hanan.
39 Esek, syedara nyang agam nibak Azel, na teuma jimeu aneuëk lhée droe aneuëk agam: nyang tuha that nan jih Ulam, óh lheuehnyan Yeus dan Elifelet.
40 Aneuëk-aneuëk Ulam banmandum na kheueh sipa-i-sipa-i nyang gagah peukasa dan ureuëng timbak aneuk panah nyang paleng ahli. Aneuëk cucoe gobnyan nyang agam banmandum na 150 droe. Awaknyan banmandum na kheueh keuturonan nibak sukée Benyamin.


Chapter 9

1 Banmandum ureuëng Israel teudafeutar meunurot keuluwarga jihnyan maséng-maséng. Dafeutarnyan na teucetet didalam kitab Raja-raja Israel. Sibagoe huköman ateueh desya-desya nyang jipeubuet lé awaknyan, rakyat Yehuda laju jiangkot u teumpat nyang teuböih.
2 Lamkawan awaknyan nyang phon-phon that woe ubak tanoh milék droejih nyang na di banda-banda na kheueh ureuëng awam, teungku-teungku imeum, ureuëng Lewi dan utoh-utoh nyang meukeureuja di Baét TUHAN.
3 Siladum nibak sukée Yehuda, Benyamin, Efraim dan Manasye jigisa dan tinggai laju di Yerusalem.
4 Na 690 keuluwarga nibak sukée Yehuda nyang tinggai di Yerusalem, jitamong cit keunan keuturonan aneuëk-aneuëk Yehuda nyang nan jih Peres, Syela dan Zerah. Keuturonan Peres jipimpén lé Utai. Garéh keuturonan Utai phon di miyueb u ateueh na kheueh Utai, Amihud, Omri, Imri dan Bani. Keuturonan Syela jipimpén lé Asaya. Gobnyan na kheueh ulée keuluwarga. Keuturonan Zerah jipimpén lé Yeuel.
7 Ureuëng-ureuëng sukée Benyamin nyang na tinggai di Yerusalem na 956 keuluwarga. Ulée-ulée keuluwarga awaknyan na kheueh: Salu aneuëk Mesulam, cucoe Hodawya, buyut Hasenua Yibnia aneuëk Yeroham Ela aneuëk Uzi, cucoe Mikhri Mesulam aneuëk Sefaca, cucoe Rehuel, buyut Yibnia.
10 Teungku-teungku imeum nyang teukheun lom nyoe tinggai di Yerusalem: Yedaya, Yoyarib dan Yakhin Azarya aneuëk Hilkia, indatu jihnyan na kheueh Mesulam, Zadok, Merayot dan Ahitub. (Azarya na kheueh ulée peugawaée di Baét TUHAN.) Adaya aneuëk Yeroham; indatu jihnyan na kheueh Pasyhur dan Malkia. Masai aneuëk Adiel; indatu jihnyan na kheueh Yahzera, Mesulam, Mesilemit, Imer.
13 Teungku imeum nyang jeuet keu ulée keuluwarga, banmandum jih na 1.760 droe. Awaknyan carông that bak jipeubuet peue mantong buet di Baét TUHAN.
14 Ureuëng-ureuëng Lewi nyang teupeugah lom nyoe awaknyoe tinggai di Yerusalem: Semaya aneuëk Hasub; indatu jihnyan na kheueh Azrikam dan Hasabya nibak kawöm Merari Bakbakar, Heres dan Galal Matanya aneuëk Mikha; indatu jih na kheueh Zikhri dan Asaf Obaja aneuëk Semaya; indatu jihnyan na kheueh Galal dan Yedutun Berekhya aneuëk Asa, cucoe Elkana, gobnyan tinggai di daerah banda Netofa.
17 Tukang-tukang kawai Baét TUHAN nyang na tinggai di Yerusalem meusapat deungon keuluwarga jihnyan na kheueh: Akub, Talmon, Ahiman, dan Salum ulée kawai.
18 Sampoe nibak uroenyoe ureuëng-ureuëng nyang nibak kawöm awaknyan teubri tugaih keu jijakkawai Pintoe Geureubang Raja disiblaih u timu. Yoh masa ilée ureuëng-ureuëng nibak kawöm awaknyan teubri tugaih mangat jijak jaga pintoe-pintoe geureubang nyang teutuju ubak khimah-khimah ureuëng Lewi.
19 Nyang teubri tugaih keu teujaga nibak babah pintoe tamong u Baét TUHAN na kheueh Salum meusajan deungon ureuëng-ureuëng nyang sikawöm deungon jihnyan, nyan kheueh kawöm Korah. (Salum nyan na kheueh aneuëk Kore cucoe Ebyasaf.) Yoh masa ilée indatu awaknyan jipeubuet tugaih nyan bak watée awaknyan jipeutimang khimah-khimah TUHAN.
20 Pinehas aneuëk Eleazar -- seumoga TUHAN geulindong gobnyan! -- na peureunah jeuet keu ulée kawai awaknyan.
21 Zakharia aneuëk Meselemya meunan cit ureuëng nyang kawai pintoe geureubang Khimah TUHAN.
22 Banmandum nyang teupiléh keu teukawai babah pintoe geureubang na 212 droe. Awaknyan na teudafeutar meunurot gampông-gampông teumpat tinggai awaknyan. Indatu awaknyan teujok jabatan-jabatan nyan lé Raja Nabi Daud dan Nabi Samuel.
23 Phon watéenyan awaknyan dan keuturonan awaknyan teutab jeuet keu keuneumiet Pintoe Geureubang Baét TUHAN.
24 Na 4 boh pintoe: saboh di utara, saboh di seulatan, saboh di timu dan saboh teuk di barat. Nibak tieb-tieb saboh pintoenyan jipeuduek sidroe ureuëng Lewi nyang jeuet keu ulée jaga.
25 Waréh kawöm awaknyan nyang na tinggai di gampông-gampông, jibantu gobnyan seucara meugantoe-gantoe -- tieb-tieb sigoe siseun aleuhat treb jih.
26 Teuma ban peuet droe ulée jaga nyan teutab jimat tugaih seucara teutab. Awaknyan meutanggong jaweueb ateueh bilék-bilék nyang na di Baét TUHAN dan barang-barang nyang teukeubah disinan.
27 Awaknyan tinggai tô ngon Baét TUHAN, sabab awaknyan harôh jijaga rumoh nyan dan jibuka pintoe-pintoe geureubang bak tieb-tieb beungoh.
28 Ladum nibak ureuëng Lewi nyang laén meutanggong jaweueb ateueh peukakaih-peukakaih keu iébadat. Awaknyan kheueh nyang itong bak watée teupeuteubiet dan bak watée jijak pulang lom teuma.
29 Ladum awaknyan meutanggong jaweueb ateueh peurabot-peurabot iébadat, ateueh teupông, anggô, minyéuk zaiton, keumeunyan meunan cit deungon reumpah-reumpah.
30 Teuma nyang meutanggong jaweueb bak teujampu reumpah-reumpah nyan na kheueh teungku-teungku imeum.
31 Nyang meutanggong jaweueb ubak teupeugét peuseumahan nyang teupanggang bak apui sidroe lamkawan ureuëng Lewi nyang nan jih Matica, aneuëk tuha Salum nibak kawöm Korah.
32 Ureuëng-ureuëng nibak kawöm Kehat meutanggong jaweueb keu jipeusiab ruti sajian keu TUHAN bak tieb-tieb uroe Sabat.
33 Siladum ureuëng Lewi nyang laén meutugaih sibagoe ureuëng meuca-e meunyanyoe di Baét TUHAN. Ulée-ulée keuluwarga awaknyan tinggai nibak geudong-geudong di Baét TUHAN. Awaknyan hana teujok tugaih nyang laén, sabab awaknyan meutugaih uroe ngon malam.
34 Ureuëng-ureuëng nyang teupeugah di ateueh nyan na kheueh ulée-ulée keuluwarga Lewi meunurot garéh keuturonan awaknyan. Awaknyan na kheueh peumimpén-peumimpén nyang tinggai di Yerusalem.
35 Yeiel jipeudong banda Gibeon, laju gobnyan tinggai disinan. Ureuëng binoe geuh nyang nan jih Maakha,
36 dan aneuëk geuh nyang agam, nyang tuha nan jih Abdon; nyang laén na nyang nan Zur, Kish, Baal, Ner, Nadab,
37 Gedor, Ahyo, Zakharia dan Miklot,
38 ureuëng syiek Simea. Keuturonan awaknyan tinggai di Yerusalem meusapat deungon keuluwarga-keuluwarga nyang laén nyang sikawöm deungon awaknyan.
39 Bapak Raja Saul nan geuh Kish dan nék gobnyan nan geuh Ner. Saul na geumeu aneuëk 4 droe aneuëk agam: Yonatan, Malkisua, Abinadab, dan Esybaal.
40 Yonatan na teuma jimeu aneuëk nyang agam nyang jiboh nan Meribaal, ureuëng syiek si Mikha.
41 Mikha na teuma jimeu aneuëk 4 droe aneuëk agam: Piton, Melekh, Tahrea dan Ahas.
42 Aneuëk Ahas meunan Yoada na teuma jimeu aneuëk lhée droe aneuëk agam: Alemet, Asmawet dan Zimri. Garéh keuturonan Zimri na kheueh Moza,
43 Bina, Rafa, Elasa dan Azel.
44 Azel na teuma geumeu aneuëk 6 droe aneuëk agam: Azrikam, Bokhru, Ismail, Searya, Obaja dan Hanan.


Chapter 10

1 Ureuëng Filistin jimuprang deungon ureuëng Israel. Awaknyan jimeuheungko ngon jimeuheuntam nibak gunong-gunong Gilboa. Jai that-that ureuëng Israel nyang maté lam prang nyan, dan nyang na mantong tinggai jitamong cit keunan Raja Saul ngon aneuëk-aneuëk agam gobnyan laju geupeuplueng droe.
2 Teuma awaknyan jitiyeub rot likot lé ureuëng Filistin dan óh meurumpok lhée droe nibak aneuëk agam Raja Saul nyan laju jipoh maté, nyang keunong poh nyan na kheueh: Yonatan, Abinadab dan Malkisua.
3 Muprang nyan keubiet hebat that bak binéh Saul, dan gobnyan keudroe keunong aneuk panah musoh sampoe luka.
4 Dan geupeugah kheueh lé Saul ubak peumuda nyang ba seunjata gobnyan, "Tasuit kheueh laju peudeueng gata dan tatöb laju u ateueh ulôn mangat ulôn nyoe bék jipeumeu-én lé ureuëng Filistin nyang hana jituri keu TUHAN nyan." Teuma lé aneuëk mudanyan hana jitem töb Raja Saul sabab jihnyan teumakot that-that. Lé sabab nyan Raja Saul laju geucok peudeueng geuh keudroe laju geupeureubah droe geuh u ateueh peudeueng nyan.
5 Bak watée jikalon lé aneuëk muda nyan bahwa Raja Saul ka maté, dan gobnyan pih laju jipeureubah droe u ateueh peudeueng jih dan ureuëng nyan pih maté disinan.
6 Dan meuninggai kheueh Raja Saul meusajan deungon aneuëk agam gobnyan nyang lhée droe nyan, dan deungon lagée nyan habéh kheueh riwayat dinasti Raja Saul.
7 Bak watée banmandun ureuëng Israel nyang na tinggai di Pantôn Yizreel jideungoe bahwa tantra Israel ka jipeuplueng droe, meunan cit watée jideungoe Raja Saul deungon aneuëk-aneuëk gobnyan ka meuninggai donya, awaknyan laju jiplueng sira jitinggai banda-banda droe jih. Dan teuka laju ureuëng Filistin jijak duek nibak banda nyang ka teutinggai nyan.
8 Óh singoh beungoh bak watée ureuëng Filistin trok keunan keu jijak rampok bubena manyét-manyét nyang ka maté nyan, awaknyan laju meurumpok deungon Raja Saul meunan cit deungon ban lhée droe aneuëk agam gobnyan ka maté di gunong-gunong Gilboa.
9 Awaknyan laju jisut bajée prang nyang mantong meuleukek nibak badan Raja Saul, dan ulée gobnyan laju jikoh nibak takue sampoe putôh, dan uléenyan laju jiba. Óh lheuehnyan awaknyan laju jikirém utosan ubak bansaboh nanggroe ureuëng Filistin keu jijak peusampoe haba nyang jroh nyan ubak bansa dan dewa awaknyan.
10 Bajée prang Raja Saul jikeubah bak saboh kuil awaknyan, dan ulée gobnyan laju jigantung nibak rumoh si Dagon, dewa awaknyan.
11 Bak watée peunduduek Yabes di Gilead jideungoe peue nyang ka jipeubuet lé ureuëng Filistin teuhadab Raja Saul,
12 Ureuëng-ureuëng nyang paleng beurani lom beuhé ngon tungang laju jijakcok manyét Raja Saul dan aneuëk-aneuëk gobnyan, manyét nyan laju jiba u Yabes. Dan manyét nyan laju jipeukubu udalam jrat dimiyueb bak kayée nyang raya, óh lheuehnyan awaknyan laju jipuasa na tujoh uroe treb jih.
13 Raja Saul meuninggai sabab gobnyan hana seutia ubak TUHAN, dan hana geutaát ubak peue nyang ka geupeurintah lé TUHAN ubak gobnyan. Gobnyan hana geulakée peutunyok ubak TUHAN, teuma nyang geulakée na kheueh ubak areuwah-areuwah ureuëng maté. Lé sabab nyan TUHAN geuhuköm gobnyan dan geuseurah takhta gobnyan ubak Nabi Daud aneuëk Isai.


Chapter 11

1 Banmandum peumimpén bansa Israel jijak ubak Nabi Daud dan laju jipeugah lagéenyoe, "Kamoe nyoe rakan Teungku Amphon.
2 Phon yoh masa ilée, dan hainyoe kana phon yohmantong Raja Saul geumat peurintah ateueh kamoe, Teungku Amphon kheueh nyang pimpén tantra Israel pajan mantong awaknyan jimaju u mideuen prang. Lom teuma TUHAN Po teu Allah Teungku Amphon ka geumeujanji bahwa Teungku Amphon kheueh nyang pimpén umat Gobnyan dan jeuet keuraja awaknyan."
3 Dan óhban geudeungoe habanyan lé Nabi Daud laju geupeugét peujanjian deungon dumna peumimpén bansa Israel nyan. Lé awaknyan geulanték Nabi Daud jeuet keuraja Israel lagée nyang ka geupeujanji lé TUHAN meulalu Samuel.
4 Bak saboh watée Nabi Daud deungon bala tantra gobnyan geujak prang banda Yerusalem. Bak watéenyan banda nyan mantong nan jih Yebus, dan jiduek lé ureuëng Yebus, peunduduek aseuli banda nyan.
5 Ureuëng-ureuëng Yebus ka jipeugah ubak Nabi Daud, bahwa gobnyan hana mungken hase geutamong u dalam banda nyan. Teuma Nabi Daud meuhase geureubot kuta awaknyan nyang nan jih Sion. Bak watéenyan Nabi Daud ka geupeumaklum ubak aneuëk buah gobnyan bahwa ureuëng nyang phon that nyang poh ureuëng Yebus nyang kheueh nyang teuangkat jeuet keu panglima. Dan lé sababnyan Yoab kheueh nyang phon-phon that jak prang Yebus, gobnyan laju teuangkat jeuet keu panglima. (Mak Yoab nan jih Zeruya.) Óh ka lheueh geureupah kuta Sion, Nabi Daud laju tinggai disinan. Nyang kheueh sabab jih kuta nyan phon watéenyan geuboh nan, "Banda Daud".
8 Nabi Daud laju geupeudong lom banda nyan geupeuphon nibak teumpat nyang teupeumanyang deungon tanoh disiblaih utimu bukét; óh lheuehnyan peumbangunan nyan geulanjutkan teuma lé Yoab sampoe seuleusoe.
9 Nabi Daud maken treb maken teuga, sabab TUHAN Nyang Maha Kuasa nyang tulông gobnyan.
10 Nyoe kheueh nan-nan banmandum peuwira Nabi Daud nyang paleng meusyeuhu. Meusajan-sajan deungon banmandum rakyat Israel awaknyan ka jimeujuang mangat Nabi Daud jeuet keuraja lagée nyang ka geupeujanji lé TUHAN. Dan awaknyan hana putôh-putôh jisokong keurajeuen gobnyan.
11 Peuwira nyang awaiphon na kheueh Yasobam ureuëng Hakhmoni, geuhnyan geupimpén "Triwira". Na teujadi nibak saboh mideuen prang gobnyan geulawan 300 droe dan banmandum ureuëng nyan maté jiheuntam ngon kapak.
12 Ureuëng nyang keudua dalam Triwira nyan na kheueh Eleazar aneuëk si Dodo nibak kawöm Ahohi.
13 Dalam mideuen prang di Pas-Damim jimeujuang blaih Nabi Daud jilawan ureuëng Filistin. Bak watée tantra Israel ka jipeuphon peuplueng droe, geuhnyan dan aneuëk buah jih jimeuteun di teungoh-teungoh lampôh gandom dan disinan kheueh jimeu heungkoe meuhabéh-habéh deungon ureuëng Filistin. Laju TUHAN geupeumeunang nyang paleng rayeuk keu gobnyan.
15 Bak siuroe na 3 droe nibak
30 droe peuwira Nabi Daud nyang paleng meugah, jijak meurumpok deungon Nabi Daud di saboh teumpat nyang meukuta nibak saboh gunong batée nyang tô ngon binéh Guha Adulam. Bak watéenyan ureuëng Filistin jipeudong khimah di Pantôn Refaim, dan saboh pasokan nibak awaknyan laju jireubot Betlehem.
17 Nabi Daud gét that meucén keugampông droe geuh sira geupeugah, "Ah, meunyoe keu ulôn geubri lôn jieb ié nyang na didalam mon bak binéh pintoe geureubang di Betlehem."
18 Ban jideungoe habanyan, ban lhée droe peuwira nyan laju jiseureubu ubak khimah-khimah ureuëng Filistin dan laju jicrong ié nyang na didalam mon nyan, óh lheueh nyan ié nyang ka lheueh jicrong nyan laju jiba ubak Nabi Daud. Teuma Nabi Daud hana geutem jieb ié mon nyan, teuma laju geuro sibagoe geupeuseumah keu TUHAN.
19 Nabi Daud geupeugah, "Deumi Allah, ulôn hana ulôn jieb ié mon nyoe! Meunyoe iémon nyoe ulôn jieb, siulah-ulah saban cit lagée ulôn jieb darah ureuëng nyang ka jisabong nyawöng bak jijak cok ié nyoe!" Deungon nyan Nabi Daud meubacut pih hana geutem jieb ié mon nyan. Nyang kheueh jasa-jasa ban lhée droe peujuang nyang peukasa nyan.
20 Ban lhée ploh droe peuwira nyang paleng meusyeuhu nyan na cit teuboh nan nyang laén deungon nan "Tridasawira". Awaknyan jipimpén lé Abisai adoe Yoab. Ka lheueh jicang sampoe maté 300 droe deungon kapak jihnyan, dan kareuna nyan gobnyan meutamah meusyeuhu. Teuma geuhnyan hana saban hebat jih deungon Triwira nyan.
22 Na sidroe peuwira nyang meusyeuhu nyang laén nyang nan jih Benaya aneuëk Yoyada, ureuëng Kabzeel. Gobnyan lumpah ceubeuh ngon beurani. Dua droe pahlawan nyang paleng rayeuk nibak Moab ka jipoh maté. Ka lheueh teujadi bak siuroe nyang meusalju geuhnyan geutamong u dalam saboh guha óh trok lam guha nyan laju geupoh maté saboh singa nyang na didalam guha nyan.
23 Meunan cit gobnyan ka lheueh geupoh maté sidroe ureuëng nibak nanggroe Meusé nyang lumpah rayeuk badan jih; panyang ureuëng Meusé nyan leubeh dua metée. Ureuëng nyan meuseunjata kapak nyang paleng raya, teuma lé Benaya jilawan ureuëng nyan ngon kayée puntong. Kapak nyang na nibak jaroe ureuëng Meusé nyan geuteumé reubot dan ngon kapak nyan kheueh geupoh maté ureuëng Meusé nyan.
24 Nyan kheueh jasa-jasa Benaya, sidroe lamkawan Tridasawira.
25 Lamkawan nyan, Benaya kheueh nyang paleng meugah, teuma gobnyan hana saban hebat jih deungon Triwira. Nabi Daud laju geuangkat geuhnyan jeuet keu ulée peungawai pribadi.
26 Lheueh nyan nyoe na kheueh peuwira-peuwira nyang laén nyang paleng meusyeuhu: Asael adoe Yoab Elhanan aneuëk Dodo ureuëng Betlehem Samot ureuëng Harod Heles ureuëng Peloni Ira aneuëk Ikes ureuëng Tekoa Abiezer ureuëng Anatot Sibkhai ureuëng Husa Ilai ureuëng Ahoni Maharai ureuëng Netofa Heled aneuëk Baana ureuëng Netofa Itai aneuëk Ribai ureuëng Gibea diwilayah sukée Benyamin Benaya ureuëng Piraton Hurai ureuëng pantôn-pantôn Gaas Abiel ureuëng Araba Azmawet ureuëng Bahurim Elyahba ureuëng Saalbon Hasyem ureuëng Gizon Yonatan aneuëk Sage ureuëng Harari Ahiam aneuëk Sakhar ureuëng Harari Elifar aneuëk Ur Hefer ureuëng Mekherati Ahia ureuëng Peloni Hezrai ureuëng Karmel Naarai aneuëk Ezbai Yoël syedara Natan Mibhar aneuëk Hagri Zelek ureuëng Amon Naharai ureuëng Beerot, nyang ba sinjata Yoab Ira dan Gareb ureuëng Yetri Uria ureuëng Het Zabad aneuëk Ahlai Adina aneuëk Siza (sidroe tokoh lam sukée Ruben nyang na pasokan
30 droe) Hanan aneuëk Maakha Yosafat ureuëng Mitni Uzia ureuëng Asytarot Syama dan Yeiel, aneuëk-aneuëk Hotam, ureuëng Aroër Yediael dan Yoha, aneuëk-aneuëk Simri, ureuëng Tizi Eliel ureuëng Mahawim Yeribai dan Yosawya, aneuëk-aneuëk Elnaam Yitma ureuëng Moab
47 Eliel, Obed dan Yaasiel ureuëng Mezobaya.


Chapter 12

1 Bak watée Nabi Daud geupeuplueng droe nibak Raja Saul, gobnyan geupeu aséng droe u Ziklag. Le that peujuang nyang seutia lom meupeungalaman jijak meugabong deungon gobnyan. 2 Awak nyang teuka nyan nibak sukée Benyamin saban cit lagée Raja Saul. Awaknyan carông that jitimbak aneuk panah meunan cit meunyoe jimeugeulawa -- bah kheueh nyan deungon jaroe uneuen meunan cit deungon jaroe wie. 3 Peumimpén awaknyan na kheueh Ahiezer dan Yoas aneuëk-aneuëk Semaa nibak Gibea. Nyoe kheueh nan-nan peujuang nyan: Yeziel dan Pelet aneuëk-aneuëk Azmawet Berakha dan Yehu ureuëng Anatot Yismaya ureuëng Gibeon, peujuang nyang meusyeuhu nyang jeuet keu sidroe lamkawan peumimpén keulompok "Tridasawira". Yeremia, Yehaziel, Yohanan dan Yozabad ureuëng Gedera Eluzai, Yerimot, Bealya, Semarya dan Sefaca ureuëng Harufi Elkana, Yisia, Azareel, Yoezer dan Yasobam nibak kawöm Korah Yoëla dan Zebaja aneuëk-aneuëk Yeroham ureuëng Gedor. 8 Bak watée Nabi Daud mantong na bak teumpat kuta gobnyan di padang pasi, le that-that peujuang nyang meusyeuhu dan meupeungalaman nibak sukée Gad teuka jijak meupeusaho droe deungon gobnyan. Awaknyan na kheueh peujuang-peujuang nyang lumpah carông jipeuguna peurisai dan kapak; awaknyan deuh jih ceubeuh-ceubeuh ngon beurani lagée singa dan grak awaknyan saban lagée rusa. 9 Nyoe kheueh nan-nan awaknyan nyang geususon meunurot pangkat: Ezer, Obaja, Eliab, Mismana, Yeremia, Atai, Eliel, Yohanan, Elzabad, Yeremia, Makhbanai.
14 Siladum nibak ureuëng-ureuëng Gad nyan na kheueh peuwira-peuwira manyang na aneuëk buah 1.000 droe; dan siladum teuk na kheueh peuwira-peuwira nyang na aneuëk buah 100 droe.
15 Ka lheueh teujadi nibak buleuen sa, bak watée Krueng Yordan teungoh jiék ié raya teuma peuwira-peuwiranyan laju jijak jeumeurang lam krueng nyan dan jiuse laju bubena peunduduek nyang na tinggai di pantôn-pantôn nyan bah kheueh nyan nyang na tinggai disiblaih utimu meunan cit nyang na tinggai disiblaih ubarat krueng nyan.
16 Bak saboh watée na saboh kawan ureuëng nibak sukée Benyamin dan sukée Yehuda jijak ubak kuta Nabi Daud.
17 Nabi Daud laju geujak meurumpok ngon awaknyan sira geupeugah, "Meunyoe gatanyoe tateuka sibagoe rakan keu tajak tulông ulôn, silakan tameugabong deungon kamoe. Kamoe sambot gatanyoe deungon sigala mangat até. Teuma meunyoe gatanyoe ngon niet nyang jeuhet takeuneuk khianat ulôn ubak musoh, bahpi ulôn hana lôn peubuet jeuhet ateueh gata, Po teu Allah nyang geuseumah lé indatu geutanyoe geuteupeue nyan, dan gobnyan teuma geuhuköm gata nyoe."
18 Sidroe lamkawan awaknyan, nyang nan jih Amasai, nyang óh dudo jeuet keupeumimpén keulompok nyang teuboh nan "Tridasawira", ka jikuasa lé Roh Po teu Allah laju jipeugah, "Daud, aneuëk Isai! kamoe banmandum kamoe tulông gata! Seumoga gata dan awaknyan nyang jibantu gata meuhase. Po teu Allah na blaih gata!" Dan ban geudeungoe habanyan Nabi Daud laju geusambot awaknyan dan geu baiát laju awaknyan jeuet keupeuwira gobnyan.
19 Bak watée Nabi Daud meusajan deungon ureuëng Filistin geujak prang Raja Saul, siladum nibak tantra sukée Manasye jijeumeurang blaih Nabi Daud. Nyang seubeuna jih Nabi Daud hana geubantu ureuëng-ureuëng Filistin nyan. Lé peumimpén Filistin jiyue woe gobnyan u Ziklag sabab awaknyan jitakot gobnyan geupaleng geudong blaih Raja Saul dan jikhianat awaknyan.
20 Nyoe kheueh nan-nan ureuëng peujuang nibak sukée Manasye nyang jidong blaih Nabi Daud bak watée gobnyan teungoh geujak u Ziklag: Adnah, Yozabad, Yediael, Mikhael, Yozabad, Elihu dan Ziletai. Maséng-maséng awaknyan na jiba tantra 1.000 droe.
21 Awaknyan na kheueh peujuang nyang paleng peukasa dan nyang tulông Nabi Daud geulawan geurombolan. Teuma óh dudo awaknyan ka jeuet keu peuwira-peuwira didalam angkatan prang Israel.
22 Rab tieb-tieb uroe na mantong ureuëng nyang jijak meugabong deungon Nabi Daud, dan hana treb óh lheuehnyan pasokan Nabi Daud ka lumpah rayeuk.
23 Bak watée Nabi Daud di Hebron le that-that peujuang nyang ka teulateh nyang jijak meugabong deungon gobnyan. Awaknyan jijak tulông gobnyan mangat gobnyan jeuet keuraja keugeunantoe Saul, paih lagée janji TUHAN. Jeumeulah awaknyan na kheueh lagéenyoe: nibak sukée Yehuda: 6.800 droe, leungkab deungon peurisai dan kapak. Nibak sukée Simeon: na 7.100 droe nyang ka teulateh. Nibak sukée Lewi: 4.600 droe. Aneuëk buah Yoyada jipimpén keuturonan Nabi Harun: na 3.700 droe. Kawöm syedara Zadok, ureuëng peujuang muda nyang beuhé ngon beurani: 22 droe -- banmandum nyan na kheueh ulée keuluwarga. Nibak sukée Benyamin (sukée Raja Saul): na 3.000 droe; nyang leubeh le nibak sukée Benyamin teutab seutia ubak Raja Saul. Nibak sukée Efraim: na 20.800 droe ureuëng nyang paleng meusyeuhu didalam kawöm jih maséng-maséng. Nibak sukée Manasye nyang na tinggai disiblaih ubarat Krueng Yordan: na 18.000 droe nyang jitunyok mangat jijak baiát Nabi Daud jeuet keuraja. Nibak sukée Isakhar: na 200 droe peumimpén meusajan deungon aneuëk buah gobnyan; peumimpén-peumimpén nyoe carông that jipeu teuntée peue nyang harôh jipeubuet lé rakyat Israel bak watée nyang paih. Nibak sukée Zebulon: na 50.000 droe nyang that-that carông jipeuguna peue mantong alat sinjata, dan siab keujijak muprang; awaknyan na kheueh ureuëng-ureuëng nyang seutia dan teupeucaya. Nibak sukée Naftali: na 1.000 droe peumimpén meusajan deungon 37.000 tantra nyang leungkab deungon peurisai dan kapak. Nibak sukée Dan: na 28.600 droe nyang ka teulateh. Nibak sukée Asyer: na 40.000 droe nyang ka siab keujijak muprang. Nibak sukée-sukée nyang na tinggai disiblaih u timu Krueng Yordan, na kheueh Ruben, Gad dan seubagian nibak sukée Manasye: 120.000 nyang that-that carông jingui mubagoe alat sinjata.
38 Banmandum peujuang nyan jijak laju u Hebron lam keuadaan siab muprang dan ka meuteukat keuneuk jibaiát Nabi Daud jeuet keuraja di bansaboh nanggroe Israel. Dan banmandum ureuëng Israel nyang laén pih ka si até keuneuk jipeubuet nyang lagéenyan.
39 Na lhée uroe treb jih peujuang-peujuang nyan tinggai disinan deungon Nabi Daud sira jimakheun peunajoh ngon ié jieb nyang ka teukeubah keu awaknyan lé ureuëng Israel nyang laén.
40 Nibak sukée-sukée utara nyang jiôh pi na kheueh nibak sukée Isakhar, Zebulon dan Naftali, awaknyan laju jijak sira jipasang keuleudée, unta, bagal, dan leumô nyang peunoh deungon barang peunajoh nyang teupeudieng di ateueh rhueng jih: lamkawan barang-barang peunajoh nyan na kheueh: teupông, boh ara, boh kismis, anggô dan minyéuk zaiton. Dan meunan cit awaknyan jiba sajan leumô ngon bubiri mangat teusie dan teupajoh. Banmandum nyan na kheueh sibagoe tanda padubna galak jih rakyat di banmandum nanggroe Israel.


Chapter 13

1 Raja Nabi Daud laju geupeuna pakat deungon banmandum peuwira gobnyan bah kheueh nyang na aneuëk buah 1.000 droe meunan cit nyang na aneuëk buah 100 droe.
2 Laju gobnyan geupeugah ubak banmandum peuwiranyan, "Meunyoe gatanyoe banmandum situju, dan geupeu idhin lé Po teu Allah geutanyoe, pakriban meunyoe ta kirém sidroe utosan ubak bubena teungku imeum dan ureuëng-ureuëng Lewi di gampông-gampông awaknyan, meunan cit ubak banmandum bansa geutanyoe nyang laén mangat tayue teuka awaknyan jijak meugumpôi deungon geutanyoe disinoe.
3 Óh lheuehnyan tajak cok laju Peuto Peujanjian Allah, nyang ka jipeubiyeu teutiek meunan mantong watée keurajeuen nanggroe geumat lé Raja Saul."
4 Banmandum ureuëng Israel nyang meugumpôi nyan galak that-that dan usuinyan jiteurimong seucara bulat.
5 Dan Nabi Daud laju geupeusapat rakyat Israel bansaboh nanggroe, phon nibak bataih di nanggroe Meusé di seulatan sampoe trok u Hamat di utara, mangat teujakcok Peuto Peujanjian TUHAN nyan nibak Kiryat-Yearim dan teuba laju u Yerusalem.
6 Dan Nabi Daud laju geujak meusajan deungon awaknyan u banda Baala, nyan kheueh Kiryat-Yearim, didalam wilayah sukée Yehuda mangat teujakcok Peuto Peujanjian Allah. Peuto nyan geuboh nan na kheueh "TUHAN nyang meutahta di ateueh Kerub".
7 Óh watée ka trok gobnyan u Baala, awaknyan laju jicok Peuto Peujanjian nyan lam rumoh Abinadab, dan jipeu-ék laju u ateueh geureubak peudati nyang mantong barô. Uza dan Ahyo ji-iréng geureubak peudati nyan rot likot,
8 seudangkan Nabi Daud dan banmandum bansa Israel laju geulikak ngon meunari sira geumeu ca-e ngon peunoh seumangat, keu geubri horeumat ubak Po teu Allah sira geuseukok keucapi, rapa-i, simbal dan beureuguih.
9 Bak watée awaknyan ka trok ubak teumpat ureuëng ceumeulo aneuk gandom atra si Kidon, leumô-leumô nyang teungoh jitarek geureubak nyan laju meugantoh, dan Uza laju jisunyueng jaroe jih sira jimat Peuto Peujanjian nyan mangat bék rhot bak tanoh.
10 Bak watéenyan cit teuma TUHAN beungéh keu Uza sabab buet jihnyan na kheueh sibagoe teuhina keu TUHAN. Dan Uza pih laju geupoh maté disinan lé TUHAN. Dan phon watéenyan teumpat nyan geuboh nan "Peres-Uza". Nabi Daud beungéh that-that sabab TUHAN ka geupeubinasa Uza.
12 Teuma Nabi Daud geutakot cit keu Po teu Allah sira geupeugah, "Jinoenyoe pakriban cara jih Peuto Peujanjian nyan mangat hase ulôn ba?"
13 Lé sababnyan Nabi Daud hana jeuet geuba Peuto Peujanjian TUHAN nyan u Yerusalem, teuma geukeubah mantong di rumoh Obed-Edom, ureuëng Gat.
14 Peuto nyan tinggai disinan na lhée buleuen treb jih dan TUHAN laju geubri beureukat keu keuluwarga Obed-Edom meunan cit deungon banmandum nyang na hareuta gobnyan.


Chapter 14

1 Raja Hiram nibak nanggroe Tirus geukirém duta-duta gobnyan ubak Nabi Daud, meunan cit deungon kayée ceumara Libanon dan tukang-tukang kayée meunan cit deungon tukang batée keujijak peugöt meuligoe.
2 Lé sabab nyan Nabi Daud meutamah yakén bahwa TUHAN ka geupeukong gobnyan sibagoe raja Israel dan geupeuteuga keurajeuen gobnyan keu keupeuntengan umat TUHAN.
3 Di Yerusalem Nabi Daud geumeukawen lom deungon napadub droe ureuëng inong, dan nibak ureuëng inong nyang geumeukawen nyan gobnyan na geumeu aneuëk lom.
4 Aneuëk-aneuëk agam gobnyan nyang lahé di Yerusalem na kheueh: Syamua, Sobab, Natan, Nabi Sulaiman,
5 Yibhar, Elisua, Elpelet,
6 Nogah, Nefeg, Yafia,
7 Elisama, Beelyada dan Elifelet.
8 Bak watée jideungoe lé ureuëng Filistin bahwa Nabi Daud ka teubaiát jeuet keuraja ateueh bansaboh nanggroe Israel, awaknyan laju jiteuka jikeuneuk jak drob gobnyan. Lé sababnyan Nabi Daud laju geuteubiet geujak muprang deungon ureuëng nyan.
9 Bak watée nyan ureuëng Filistin ka trok ubak Pantôn Refaim dan laju jireubot pantôn nyan.
10 Ban geudeungoe lagée nyan Nabi Daud laju geuteumanyong ubak Po teu Allah, "TUHAN, peu kheueh harôh ulôn prang ureuëng Filistin nyan? Dan peu kheueh TUHAN neupeumeunang keu ulôn?" "Nyoe, jak prang laju!" geujaweueb lé TUHAN. "Ulôn na blaih gata!"
11 Dan Nabi Daud deungon pasokan gobnyan laju geujak prang bubena ureuëng Filistin nyan di Baal-Perasim dan laju geupeutaloe awaknyan. Geupeugah kheueh lé Nabi Daud, "Allah ka geupeuguna ulôn mangat lôn jak heuntam peutahanan musoh lagée ié raya nyang jipeuhanyot peue mantong lam watée sikeujab." Nyang kheueh sabab jih teumpat nyan geuboh nan Baal-Perasim.
12 Bak watée pasokan Filistin ka jiplueng, awaknyan hana meuteumé jiba patong-patong beurala droe jih. Lé Nabi Daud laju geupeurintah bubena patong nyan geuyuetot banmandum.
13 Hana treb teuma óh lheuehnyan teuka lom ureuëng Filistin dan jireubot lom Pantôn Refaim.
14 Sigoeteuk Nabi Daud geulakée peutunyok ubak Po teu Allah, dan Po teu Allah laju geujaweueb, "Bék gata prang awaknyan rot nyoe, teuma tajak kheueh sira gata wet dan prang kheueh awaknyan rot meurandeh jéh, nyang tô ngon binéh bak kayée meureubo.
15 Meunyoe gata na deungoe su tapak lagée su ureuëng nyang teungoh mubareh di ateueh pucök-pucök bak kayée nyan, gata maju dan tapeurab kheueh laju, sabab Ulôn na Lôn jak dikeue gata keu Lôn jak peutaloe ureuëng Filistin."
16 Nabi Daud laju geupeubuet peue nyang ka geupeurintah lé Po teu Allah ubak gobnyan. Gobnyan dan pasokan geuh geuseupôt dan jisurot tantra Filistin phon nibak Gibeon sampoe trok u Gezer.
17 Lé sababnyan meugah kheueh nan Nabi Daud dipat mantong, dan TUHAN laju geupeutakot bubena bansa laén keu Nabi Daud.


Chapter 15

1 Nabi Daud laju geupeugöt rumoh-rumoh keu droe gobnyan di Banda Daud, dan geupeusiab teumpat keu Peuto Peujanjian Allah dan laju geupasang khimah keuteumpat Peuto nyan.
2 Nabi Daud geupeugah, "Teuma ureuëng Lewi mantong nyang jeuet beuôt Peuto Peujanjian TUHAN, sabab awaknyan kheueh nyang ka geupiléh lé TUHAN keu jiseuôn Peuto nyan dan jimeungabdi ubak Gobnyan siumu masa."
3 Lé nyan teuma Nabi Daud laju geutawök banmandum ureuëng Israel mangat jijak u Yerusalem mangat jijak pinah Peuto Peujanjian TUHAN u teumpat nyang ka geupeusiab.
4 Nabi Daud laju geuyue keuturonan Nabi Harun dan ureuëng Lewi mangat jimeusapat.
5 Dan nibak kawöm Kehat, sukée Lewi, teuka kheueh Uriel nyang jipimpén 120 droe.
6 Nibak kawöm Merari teuka teuma Asaya nyang jipimpén 220 droe.
7 Nibak kawöm Gerson teuka Yoël nyang jipimpén 130 droe.
8 Nibak kawöm Elsafan teuka teuma Semaya nyang jipimpén 200 droe.
9 Nibak kawöm Hebron teuka teuma Eliel nyang jiba 80 droe.
10 Nibak kawöm Uziel teuka teuma Aminadab nyang jiba 112 droe.
11 Lé Nabi Daud laju geurawok Teungku Imeum Zadok dan Teungku Imeum Abyatar dan ban nam droe ureuëng Lewi: Uriel, Asaya, Yoël, Semaya, Eliel dan Aminadab.
12 Kheun Nabi Daud ubak awaknyan, "Gatanyoe na kheueh peumimpén kawöm nibak sukée Lewi. Kareuna nyan, bah kheueh gata dan ureuëng-ureuëng Lewi nyang laén jijak peusuci droe mangat jeuet tapinah Peuto Peujanjian TUHAN, Allah Israel, u teumpat nyang ka ulôn seudia.
13 Bak waée Peuto nyan keu nyang keuphon that teupinah, gata hana disinan keu gataba. Lé sabab nyan, TUHAN, Po teu Allah geutanyoe, geuhuköm tanyoe sabab tanyoe taseumah Gobnyan hana beutôi lagée kheun Gobnyan."
14 Deungon nyan teuma, lé teungku imeum dan ureuëng Lewi laju jijak peugleh droe mangat jeuet jipinah Peuto Peujanjian TUHAN, Allah Israel.
15 Dan bak watée Peuto nyan teupinah, awaknyan laju jibeuôt u ateueh ulôn ngon kayée geunulam, nyan na kheueh meunurot peuratoran nyang ka geubri lé TUHAN meulalu Nabi Musa.
16 Dan meunan cit lé Nabi Daud geubri tugaih keu bak padubdroe peumimpén ureuëng Lewi nyan mangat jibri tugaih keu ureuëng nibak sukée jihnyan mangat jimeuca-e ngon jipeumeu-én lagu-lagu geumbira keu keucapi dan simbal.
17 Lamkawan keuluwarga-keuluwarga nyang meuca-e nyan, awaknyan geupiléh ureuëng-ureuëng nyang teupeugah lom nyoe keu jipeumeu-én simbal peurunggu: Heman aneuëk Yoël meusajan deungon kawöm syedara jih nyang nan Asaf aneuëk Berekhya, dan Etan aneuëk Kusaya nibak kawöm Merari. Keu teuiréng awaknyan dan teupeumeu-én keucapi ngon nada su nyang manyang jipiléh ureuëng-ureuëng Lewi nyang teupeugah nan jih lagéenyoe: Zakharia, Yaaziel, Semiramot, Yehiel, Uni, Eliab, Maaseya, dan Benaya. Keu ureuëng peumeu-én keucapi nyang meusu ngon nada nyang miyueb geupiléh teuma ureuëng-ureuëng Lewi nyang nan-nan gobnyan nyang teupeugah lom nyoe: Matica, Elifele, Mikneya, Azazya, dan dua droe ureuëng kawai Baét TUHAN, awaknyan na kheueh Obed-Edom dan Yeiel.
22 Kenaya teupiléh keu ureuëng nyang jeuet keu ulée ureuëng nyang meu-én musik nibak sukée Lewi nyan, sabab gobnyan na kheueh malem keuhai musik.
23 Berekhya dan Elkana meusajan deungon Obed-Edom dan Yehia teupiléh jeuet keu ureuëng kawai Peuto Peujanjian TUHAN. Teungku imeum nyang teupeugah lom nyoe: Sebanya, Yosafat, Netaneel, Amasai, Zakharia, Benaya dan Eliezer teupiléh keu ureuëng nyang yueb beureuguih dikeue peuto nyan.
25 Dan geujak kheueh laju Nabi Daud meusajan deungon peumimpén Israel dan peuwira-peuwira u rumoh Obed-Edom keu geujakcok Peuto Peujanjian nyan deungon geupeuna peurayaan nyang paleng meugah.
26 Na tujoh boh leumô agam dan tujoh boh teuma bubiri geupeuseumah keu Po teu Allah sabab Gobnyan ka geutulông ureuëng Lewi nyang beuôt Peuto Peujanjian nyan.
27 Bak watée nyan Nabi Daud geungui bajée jubah nyang teupeugöt nibak ija lineun nyang halôh, meunan cit deungon ureuëng nyang peumeu-én alat musik dan Kenaya peumimpén awaknyan dan ureuëng-ureuëng Lewi nyang beuôt Peuto Peujanjian nyan. Meunan cit deungon Nabi Daud geungui bajée Efod.
28 Banmandum umat Israel jijak iréng Peuto Peujanjian nyan sampoe u Yerusalem deungon su seumurak nyang meuhubo, su beureuguih, siruné, simbal dan su keucapi.
29 Bak watée Peuto nyan teungoh geuba jipeutamong u dalam banda, Mikhal putroe Raja Saul jicingék nibak peuradeuen dan deuh laju jikalon Nabi Daud teungoh geumeulikak ngon geumeunari nyang meusukaria. Lé Mikhal gét that luwat geungieng buet Nabi Daud nyan.



Chapter 16

1 Peuto Peujanjian nyan geukeubah didalam khimah nyang ka geuseudia lé Nabi Daud keu Peuto nyan. Laju awaknyan jipeuseumah keu Allah keureubeuen nyang teutot dan keureubeuen peudaméan.
2 Óh ka lheueh Nabi Daud seuleusoe geupeuseumah keureubeuen-keureubeuen nyan, lé gobnyan laju geubri beureukat keu rakyat ateueh nan TUHAN,
3 dan óh lheuehnyan geubagi-bagi laju peunajoh keu awaknyan banmandum. Soe mantong ureuëng nyang na disinan bah kheueh nyan ureuëng agam meunan cit ureuëng inong meuteumé jeumba sikrak uengkot sie panggang, ruti dan juadah kismis.
4 Nabi Daud geu baiát teuma na meupadubdroe Lewi keu jipimpén upacara iébadat ubak TUHAN, Allah Israel, dikeue Peuto Peujanjian nyan, deungon meunyanyoe dan seumah ngon pujo.
5 Asaf geupiléh sibagoe peumimpén nyang phon dan Zakharia sibagoe waki gobnyan. Yeiel, Semiramot, Yehiel, Matica, Eliab, Benaya, Obed-Edom dan Yeiel geubri tugaih keu jipeumeu-én alat keucapi. Seudangkan Asaf geubri tugaih keu teupeumeu-én simbal,
6 dan dua droe teungku imeum, na kheueh Benaya dan Yahaziel, geubri tugaih seucara teutab geuyueyueb beureuguih dikeue Peuto Peujanjian nyan.
7 Nyang kheueh phon-phon that Nabi Daud geubri tugaih keu Asaf dan rakan-rakan gobnyan mangat jeuet jimeuca-e lagée nyang teupujo keu TUHAN.
8 Meusyukoe kheueh ubak TUHAN tapeusampoe kheueh keubeusaran Gobnyan, tapeugah kheueh buet-buet Gobnyan ubak bansa-bansa.
9 Tameuca-e ngon tameunyanyoe kheueh puja ngon pujo ubak TUHAN, tapeusampoe kheueh peue mantong buet-buet Gobnyan nyang luwa biasa.
10 Gobnyan kheueh TUHAN Nyang Mahaesa; meusuka cita kheueh, sabab geutanyoe nyoe na kheueh milék Gobnyan; soemantong nyang jiseumah Gobnyan bah kheueh ji meusukaria ngon geumbira.
11 Lakée kheueh teunaga nibak Gobnyan, seumah kheueh Gobnyan bubekna reuda.
12 Hai keuturonan Nabi Yakub, hamba Po teu Allah! Hai keuturonan Israel, umat nyang ka geupiléh! Ingat kheueh banmandum buet nyang ajaéb nyang ka geupeubuet, bék kheueh tuwoe ubak peue nyang ka geupeuputôh.
14 TUHAN na kheueh Po teu Allah geutanyoe, keuputosan Gobnyan teutab teungui bansigom donya.
15 Gobnyan sabe geuingat ubak janji Gobnyan, janji Gobnyan teutab teungui keu siumu masa.
16 Peujanjian nyan ka lheueh geupeugöt deungon Nabi Ibrahim, dan óh lheuehnyan teuma deungon Nabi Ishaq,
17 laju geupeukong janjinyan deungon Nabi Yakub, jeuet keujanji nyang keukai keu umat Israel.
18 Kheun Gobnyan, "Tanoh Kanaan teuma Ulôn bri keu gata jeuet keuhak milék pusaka gata."
19 Yohmasa ilée umat TUHAN udeb lagée ureuëng aséng di nanggroe nyan jeumeulah awaknyan na bacut that-that.
20 Awaknyan jijak meurawöh nibak saboh bansa ubak bansa nyang laén, jiminah nibak saboh nanggroe ubak nanggroe nyang laén.
21 Teuma TUHAN hana geupeubiyeu soe mantong nyang jikeuneuk teugon awaknyan; deumi awaknyan, dumna raja-raja ka geupeuingat,
22 "Bék tapeukaru ureuëng-ureuëng nyang ka Ulôn piléh, bék tapeubuet buet nyang jeuhet ateueh nabi-nabi Ulôn."
23 Meuca-e ngon meutaseubéh kheueh keu TUHAN, hai bumoe nyoe banmandum, tieb-tieb uroe tajak peumaklum kheueh haba geumbira bahwa Gobnyan ka geupeuseulamat geutanyoe.
24 Tajak peugah kheueh keuagongan Gobnyan ubak mandum bansa, dan buet-buet Gobnyan nyang peukasa keu umat manusia.
25 Sabab TUHAN lumpah that raya dan lumpah teupujo; Gobnyan harôh tatakot beuleubeh nibak tatakot keu dewa.
26 Dewa-dewa bansa laén na kheueh patong beurala teuma TUHAN na kheueh nyang cebta angkasa raya.
27 Gobnyan peunoh deungon keuagongan dan keumuliaan, rumoh Gobnyan peunoh deungon kuasa dan suka cita.
28 Pujoe kheueh TUHAN, hai umat manusia! Pujoe kheueh keuagongan dan teunaga Gobnyan.
29 Pujoe kheueh nan Gobnyan nyang mulia, dan taba kheueh keureubeuen u baét Gobnyan. Seumah kheueh TUHAN deungon tangui peukayan iébadat!
30 Beuyo kheueh gata meunyoe dikeue Gobnyan, hai banmandum donya! Bumoe nyoe kukoih hán ék so guncang.
31 Hai langét ngon bumoe, meugeumbira kheueh! Tapeugah kheueh ubak bansa-bansa bahwa TUHAN nyan Raja!
32 Hai bakat ngon geulumbang di laôt meugeumuroh kheueh meusigoe ngon asoe jih! Meusukacita kheueh hai padang deungon banmandum seunaman!
33 Bak-bak kayée nyang na diglé teuma jiseumurak geumbira sabab TUHAN ka teuka keu geujak peurintah bumoe.
34 Meusyukoe kheueh ubak TUHAN sabab Gobnyan jroh that; geunaséh Gobnyan keukai dan abadi.
35 Tapeugah kheueh, "Ya Allah, Peuseulamat kamoe, neupeuseulamat kheueh kamoe nibak keukuasaan bansa-bansa dan neupeusapat kheueh kamoe lom mangat kamoe jeuet kamoe ucab syukoe dan kamoe pujoe nan Droeneueh nyang suci!"
36 Pujoe kheueh TUHAN, Allah Israel, phon saátnyoe sampoe siumu masa! awaknyan jipujoe TUHAN.
37 Óh lheuehnyan lé Raja Nabi Daud geubri tugaih keu Asaf dan ureuëng-ureuëng Lewi nyang laén mangat teutab jiuruih hai-hai nyang na sangkot paôt jih deungon iébadat di teumpat Peuto Peujanjian TUHAN teukeubah. Tieb-tieb uroe awaknyan harôh meutugaih disinan,
38 jitulông lé Obed-Edom aneuëk Yedutun, dan 68 droe nyang laén nyang saboh kawöm deungon gobnyan. Obed-Edom dan Hosa na kheueh nyang kawai babah pintoe geureubang.
39 Teuma Zadok dan teungku-teungku imeum nyang laén nyang geubri tugaih keu teutab teu-uroih iébadat di teumpat iébadat di Gibeon.
40 Tieb-tieb beungoh dan seupôt awaknyan harôh jipeuseumah keureubeuen nyang teutot di ateueh miseubah nyang sisuai deungon huköm-huköm nyang geubri lé TUHAN keu ureuëng Israel.
41 Teungku Imeum Zadok dan teungku-teungku imeum nyan deungon jitulông lé Heman dan Yedutun meunan cit deungon ureuëng-ureuëng nyang laén nyang khusos teupiléh keu ureuëng nyang meuca-e puja ngon pujo keu TUHAN sabab geunaséh Geuh nyang keukai dan abadi.
42 Meunan cit deungon Heman dan Yedutun jimeutugaih nibak beureuguih, simbal dan alat musik nyang laén nyang teupeumeu-én keu teuiréng ca-e ngon nyanyoe puja dan pujo nyan. Anggota-anggota kawöm Yedutun geubri tugaih mangat jikeumiet babah pintoe geureubang.
43 Óh ka lheueh nyan jiwoe kheueh mandum ureuëng u rumoh jih maséng-maséng. Meunan cit deungon Nabi Daud geujakwoe u rumoh geuh geujak saweue keuluwarga gobnyan.


Chapter 17

1 Óh ka lheueh Nabi Daud tinggai teutab nibak meuligoe gobnyan, bak siuroe gobnyan geutawök Nabi Natan u meuligoe geuh sira geupeugah, "Ngieng kheueh, ulôn nyoe tinggai didalam meuligoe nyang teupeugöt nibak kayée ceumara Libanon, seudangkan Peuto Peujanjian TUHAN teumpat jih na didalam khimah!" 2 Geujaweueb lé Nabi Natan, "Neupeubuet kheueh laju peue mantong nyang ka Teungku Amphon niet sabab Po teu Allah geutulông Teungku Amphon."
3 Teuma nibak malam nyan Allah meufeureuman ubak Nabi Natan,
4 "Gata jak kheueh dan tapeusampoe kheueh ubak hamba Ulôn Nabi Daud peusan Ulôn nyang lagéenyoe, 'Bukon gata nyang peudong baét keu Ulôn.
5 Phon that bansa Israel Ulôn peubeubaih nibak nanggroe Meusé sampoe nibak saátnyoe, hántom na Ulôn tinggai lam saboh-saboh baét. Teuma sabe Ulôn jak meurawöh ho-ho mantong dan tinggai Ulôn didalam khimah.
6 Bak watée Ulôn meurawöh meusajan deungon bansa Israel hántom na Ulôn teumanyong ubak peumimpén-peumimpén nyang ka Ulôn piléh, peue sabab jih awaknyan hana jipeudong meusaboh baét nyang teupeugöt nibak kayée ceumara Libanon keu Ulôn.'
7 Lé sabab nyan, hai Natan, tajak peugah kheueh laju ubak hamba Ulôn Nabi Daud nyan, bahwa Ulôn, TUHAN Nyang Mahakuasa, Lôn peugah ubak jihnyan, 'Gata ka Ulôn cok nibak buet gata sibagoe ureuëng rabe bubiri di padang naleueng, dan Ulôn beuôt jeuet keuraja ateueh umat Ulôn Israel.
8 Ulôn ka Ulôn tulông gata homantong nyang gatajak, dan somantong musoh gata habéh Ulôn peuranab bak watée gata muprang. Gata Ulôn peujeuet keu ureuëng nyang lumpah meusyeuhu lagée peumimpén-peumimpén nyang paleng raya di ateueh donya.
9 Keu umat Ulôn Israel ka lheueh Ulôn keubah teumpat mangat jeuet keutanoh ié awaknyan mangat awaknyan hase udeb teunang dan hana jipeukaru lé gob. Seumeunjak awaknyan jiteuka ubak tanoh nyoe yoh masa ilée, dan sigohlom awaknyan na raja, awaknyan sabe jiprang lé ureuëng-ureuëng nyang galak that ubak buet nyang karu. Teuma hainyan hana teujadi le. Ulôn meunjanjoe teuma Ulôn peutaloe banmandum musoh gata, dan Ulôn bri keuturonan keu gata.
11 Singoh, meunyoe ka sampoe ajai gata dan gata jitanom lam jrat indatu gata, sidroe lamkawan aneuëk agam gata teuma Ulôn baét jeuet keuraja. Jihnyan kheueh nyang peudong rumoh keu Ulôn. Kerajeuen geuhnyan teuma Ulôn peuteuga, dan keu siumu masa ureuëng nibak keuturonan geuhnyan kheueh nyang hase jeuet keuraja.
13 Ulôn teuma jeuet keu Bapak jih dan jihnyan teuma jeuet keu Aneuëk Ulôn. Ulôn teuma teutab Lôn peubuet nyang jroh ubak jihnyan sisuai ngon janji Ulôn. Janji Ulôn ubak jihnyan teutab Lôn mat, hana lagée nyang Ulôn peubuet ateueh Saul nyang ka Ulôn géesée nibak teumpat duek jih mangat gata jeuet keu raja.
14 Aneuëk agam gata nyang Ulôn piléh nyan teuma Ulôn peujeuet keuraja ateueh umat Ulôn dan keurajeuen Ulôn keu siumu masa, dan aneuëk cucoe gata truen meutruen teuma jimat keurajeuen sibagoe raja.' "
15 Nabi Natan geupeugah nyan banmandum ubak Nabi Daud peue nyang ka geupeugah lé Allah ubak gobnyan.
16 Dan geutamong kheueh laju Nabi Daud u dalam Khimah TUHAN. Óh trok keunan laju geuduek sira geumeudoá, "Ya Allah, TUHAN ulôn, ulôn dan keuluwarga ulôn hana patot lôn teurimong keubajekan nyang TUHAN tunyok keu kamoe lagée nyang ka-ka nyoe.
17 Teuma TUHAN ka neupeubuet leubeh nibak nyang ka; Droeneueh ka neupeugöt janji keuhai keuturonan ulôn keu masa nyang ukeue teuka. Nyang leubeh lom Droeneueh ka neupeusaneut ulôn sibagoe ureuëng rayeuk.
18 Peu kheueh lom nyang jeuet ulôn peugah keu Droeneueh, ya TUHAN Allah? Droeneueh neuteupeue peue mantong keuhai hamba Droeneueh nyoe, teuma Droeneueh teutab neubri peunghormatan keu ulôn.
19 Ateueh keuheundak Droeneueh keudroe dan keu keupeuntengan ulôn Droeneueh ka neupeubuet banmandum buet-buet nyang rayeuk nyoe deungon trok trang.
20 Teuma Droeneueh kheueh Allah, hana laén nyang na saban deungon Droeneueh. Kamoe meuteupeue hainyan sabab ka teubri tée phon yoh awai ilée.
21 Bansaboh bumoenyoe hana bansa nyang sa deungon bansa Israel. Israel na kheueh saboh bansa nyang ka TUHAN peubeubaih nibak jeuet keunamiet mangat jeuet keu umat Droeneueh nyang teupiléh. Banmandum buet nyang raya dan ajaéb nyang ka TUHAN peubuet keu awaknyan deungon nyan ka teupeujeuet nan TUHAN meutamah meusyeuhu bansaboh donya. Droeneueh ka neupeulheuh umat droeneueh nibak nanggroe Meusé, dan neukireueh bansa-bansa laén bak watée awaknyan jimaju u mideuen prang.
22 Bansa Israel ka neupeujeuet keu umat Droeneueh keudroe keu siumu masa. Dan Droeneueh ya TUHAN, ka jeuet keu Po teu Allah awaknyan.
23 Jinoenyoe, ya TUHAN Allah, ulôn meuharab neupeukong kheueh keu siumu masa janji nyang ka TUHAN peugah keuhai ulôn dan keuturonan ulôn. Ulôn meuharab neupeubuet kheueh laju janji nyang ka TUHAN peugah nyan.
24 Dipat mantong ureuëng ramé sabe jipeu agong nan Droeneueh sira jipeugah, 'TUHAN Nyang Mahakuasa na kheueh Allah ateueh Israel.' Keu siumu masa sidroe lamkawan keuturonan ulôn teuma TUHAN peujeuet jimat peurintah sibagoe raja.
25 Ulôn peubeurani droe ulôn lôn lakée doányoe u hazirat Droeneueh, ya Allah, sabab Droeneueh keudroe ka lheueh nepeugah ubak ulôn bahwa aneuëk cucoe ulôn truen meutruen teuma TUHAN peujeuet keuraja ateueh bansa nyoe.
26 Droeneueh, TUHAN, na kheueh Allah, dan hai nyang jroh nyan ka TUHAN peujanji keu ulôn.
27 Lé sabab, ulôn meuharab, bah kheueh neubri beureukat keuturonan ulôn mangat siumu masa awaknyan teutab jirasa geunaséh Droeneueh. Sabab, Droeneueh ka neubri beureukat keu umat Droeneueh, ya TUHAN, deungon nyan awaknyan teutab geubri beureukat keu siumu masa."


Chapter 18

1 Hana padubna treb teuma óh lheuehnyan Raja Nabi Daud laju geujak prang ureuëng Filistin sampoe taloe dan banda Gad geuteumé reubot meunan cit deungon gampông-gampông nyang na tô-tô disinan banmandum habéh geureupah.
2 Meunan cit deungon ureuëng Moab ka habéh geupeutaloe lé Nabi Daud seuhingga ureuëng Moab nyan jibayeue upeti keu gobnyan.
3 Óh lheueh nyan Nabi Daud laju geupeutaloe Hadadezer, nyang mat keurajeuen di Zoba tô ngon wilayah Hamat di nanggroe Siria. Bak watéenyan Hadadezer teungoh jijak keuneuk jak reupah wilayah nyang tô deungon pucok Krueng Efrat.
4 Lam prang nyan Nabi Daud geuteumé reubot 1.000 boh geuritan prang, dan geudroeb 7.000 droe sipa-i nyang meuguda meunan cit na 20.000 droe sipa-i nyang jijak ngon gaki. Dan banmandum guda ka geupeulapée, dan bacut mantong geutinggai seb keu 100 boh geuritan prang.
5 Ureuëng Siria dan Damsyik laju jikirém sipa-i keujijak tulông Raja Hadadezer, teuma lé Nabi Daud laju geupeutaloe awaknyan dan maté sipa-i musoh nyan na 22.000 droe.
6 Óh lheuehnyan awaknyan laju jipeudong khimah-khimah prang didalam wilayah awaknyan dan awaknyan taklok dan jibayeue upeti keu Nabi Daud nyan. TUHAN geupeumeunang Nabi Daud dipat mantong gobnyan geumuprang.
7 Tameng-tameng méuh nyang jingui lé sipa-i Raja Hadadezer banmandum nyan ka geureupah lé Nabi Daud laju geuba u Yerusalem.
8 Seulaén nibak nyan na lom geucok lé Nabi Daud peurunggu nyang lumpah le nibak Tibhat dan Kun, banda-banda nyang yohmasa ilée jikuasa lé Raja Hadadezer. (Teuma óh dudo peurunggu-peurunggu nyan geucok lé Nabi Sulaiman keu geupeugét beujana, dan taméh-taméh dan peukakaih-peukakaih iébadat di Baét TUHAN.)
9 Raja Tou di Hamat ka geudeungoe bahwa Nabi Daud ka geupeutaloe banmandum sipa-i Raja Hadadezer.
10 Dan gobnyan laju geu kirém Yoram aneuëk agam gobnyan mangat jijak peusampoe saleuem keu Raja Nabi Daud dan jipeugah seulamat ateueh gobnyan meunang, sabab Hadadezer ka kayém that jimuprang deungon Tou. Yoram jijak ubak Nabi Daud sira jiba méuh nyang lumpah that jai sibagoe hadiah, meunan cit deungon pirak dan peurunggu.
11 Raja Nabi Daud laju geupeuseumah banmandum nyan keu TUHAN mangat geupeuguna bak watée na upacara iébadat. Meunan cit geupeubuet ateueh barang-barang méuh dan pirak nyang ka geureupah nibak Hadadezer dan bansa-bansa nyangka geupeutaloe, bansa nyan na kheueh bansa Edom, Moab, Amon, Filistin dan Amalek.
12 Abisai (mak geuh nan Zeruya) jipeutaloe dan jipoh maté na 18.000 droe ureuëng Edom di Pantôn Asin
13 dan laju geupeudong khimah-khimah tantra bansaboh Edom. Deungon nyan teuma taklok kheueh ureuëng-ureuëng Edom ubak Raja Nabi Daud. TUHAN geubri meunang ateueh Nabi Daud dipat mantong na gobnyan geumuprang.
14 Meunan kheueh cara jih Nabi Daud geumat keurajeuen bansaboh Israel dan geujaga mangat rakyat gobnyan sabe jipeusaneut deungon ade dan gét-gét.
15 Nyoe kheueh nan-nan peujabat nyang geuangkat lé Nabi Daud: Panglima angkatan prang: Yoab aduen Abisai. Seukeutareh meuligoe: Yosafat aneuëk Ahilud. Teungku-teungku imeum: Zadok aneuëk Ahitub dan Ahimelekh aneuëk Abyatar. Seukeutareh nanggroe: Sausa. Ulée kawan tukang kawai pribadi raja: Benaya aneuëk Yoyada. Aneuëk-aneuëk agam Nabi Daud banmandum geumat jabatan nyang peunteng-peunteng didalam peumeurintahan.


Chapter 19

1 Hana padubna treb teuma óh lheuehnyan Nahas raja Amon meuninggai donya, dan Hanun aneuëk agam gobnyan teubaiát jeuet keuraja.
2 Laju geupeugah lé Nabi Daud, "Nahas na kheueh sahabat ulôn nyang seutia, jadi meunan cit sikeueb ulôn keu Hanun, aneuëk jihnyan." Lé sababnyan Nabi Daud laju geukirém utosan u nanggroe Amon mangat jijak peumangat até ateueh meuninggai ureuëng syiek gobnyan. Bak watée awaknyan ka trok u Amon,
3 lé peumimpén nanggroenyan geupeugah ubak Raja Hanun, "Bék kheueh na neupike lam até droeneueh hai Teungku bahwa Nabi Daud nyan geukirém utosan geuh keunoe geukeuneuk bri horeumat keu ureuëng syiek Teungku Amphon! Teuma gobnyan geukirém ureuëng geuhnyan keunoe na kheueh sibagoe mata-mata keu jijak seulidek nanggroe geutanyoe, mangat hase jireubot lé awaknyan!"
4 Ban jideungoe nariet peumimpén jih nyan, lé Raja Hanun laju geudroeb banmandum utosan Nabi Daud nyan, laju jicuko janggot awaknyan, jigunteng peukayan awaknyan sampoe ka paneuk tinggai éut punggong, dan óh lheuehnyan jiyuejak laju awaknyan.
5 Teuma awaknyan malée that-that meunyoe jiwoe, lé sababnyan awaknyan jijak laju u Yerikho. Bak watée hainyan jijak peugah ubak Nabi Daud, gobnyan geukirém peusan mangat utosan-utosan nyan tinggai mantong di Yerikho sampoe janggot awaknyan ka jitimoh lom teuma.
6 Dan Raja Hanun ngon ureuëng Amon nyang rakyat gobnyan barô kheueh jisada bahwa peue nyang ka jipeubuet nyan lé sababnyan Nabi Daud ka geumeumusoh ngon gobnyan. Kareunanyan awaknyan laju geukirém 34.000 kilogram pirak u daerah Mesopotamia Ateueh, meunan cit u Maakha dan Zoba di Siria mangat teusiwa 32.000 geuritan prang dan sipa-i meuguda. Dan teuka kheueh sipa-i raja Maakha deungon banmandum geuritan prang nyang ka teusiwa nyan dan jipeudong laju khimah rab ngon Medeba. Meunan cit deungon ureuëng Amon nyang teuka bansaboh nanggroe nyan keu jijak muprang.
8 Bak watée Nabi Daud geudeungoe hainyan, laju geukrah Yoab dan banmandum angkatan prang gobnyan jeuet jijaklawan musoh.
9 Di ureuëng Amon pi laju jiteubiet jijak ato baresan dibabah pintoe geureubang Raba, ma banda droe awaknyan, seudangkan raja-raja nyang ka trok keuneuk jijak tulông awaknyan, jiato teuma baresan jih didalam padang.
10 Yoab deuh jikalon bahwa gobnyan ka teuseupet lamkawan pasokan musoh dikeue dan dilikot. Lé sabab nyan gobnyan laju jipiléh tantra Israel nyang paleng gét mangat jipeuhadab keue deungon sipa-i Siria.
11 Nyang leubeh nibak nyang kana nyan tantra Israel geujok teuma keu Abisai adoe gobnyan, nyang jiato baresan nyang meuhadab keue deungon sipa-i Amon.
12 Yoab geupeugah ubak adoe geuh, "Meunyoe ulôn hana ék le lôn meuteun ateueh sipa-i Siria, beubagaih kheueh gata teuka tajak tulông ulôn. Seubalek jih, meunyoe gata hana ek le tameuhadab keu deungon sipa-i Amon, ulôn teuma lôn teuka lônjak tulông gata.
13 Tabah kheueh! Jak kheueh geutanyoe tajak muprang deungon beurani deumi bansa geutanyoe dan banda-banda Allah geutanyoe. Seumoga TUHAN geupeubuet peue nyang geukeuheundaki."
14 Yoab dan pasokan gobnyan geumaju laju u mideuen prang, akhéjih sipa-i Siria jiplueng.
15 Bak watée jikalon lé sipa-i Amon bahwa sipa-i Siria ka jipuplueng droe, awaknyan pih jiplueng nibak Abisai dan jisurot u dalam banda. Óh ka lheueh jiprang ureuëng Amon, Yoab laju geuwoe u Yerusalem.
16 Ureuëng Siria sada bahwa awaknyan ka jipeutaloe lé sipa-i Israel. Lé sababnyan awaknyan laju geuhôi sipa-i droe gobnyan nyang na di daerah siblaih u timu Krueng Efrat dan geuyue tantra gobnyan mangat jijakmuprang dimiyueb pimpénan Sobakh panglima angkatan prang Hadadezer raja Zoba.
17 Jideungoe hai nyang lagéenyan, Nabi Daud laju geupeusapat banmandum pasokan Israel, laju jijeumeurang u meurandeh Krueng Yordan dan jiato laju baresan gobnyan meuhadab keue deungon sipa-i Siria. Dan jimuprang kheueh awaknyan,
18 dan sipa-i Siria taloe sira jisurot kareuna jiheuntam lé tantra Israel. Nabi Daud dan pasokan gobnyan na geupeumaté 7.000 droe nyang mat keumudo geuritan prang dan 40.000 droe sipa-i nyang jak ngon gaki. Meunan cit deungon Sobakh panglima Siria nyan pih maté teupoh.
19 Bak watée raja-raja nyang jimat kuasa lé Hadadezer jikalon hainyan bahwa awaknyan ka jipeutaloe lé sipa-i Israel, awaknyan laju jilakée meudamé deungon Nabi Daud, dan taklok ubak gobnyan. Óh ka lheuehnyan lé ureuëng Siria hana jitem bantu le ureuëng Amon.


Chapter 20

1 Watée kateuka musém seumi lom, bak watée raja-raja lazem jih geujak u mideuen prang, Yoab laju jikrah sipa-i jih dan laju jireubot nanggroe Amon. Bak watéenyan Raja Nabi Daud teutab tinggai di Yerusalem, dan gobnyan hana röh sajan. Yoab dan sipa-i gobnyan laju geukeupong banda Raba, dan laju geuseurang dan geupeuhanco banda nyan.
2 Óh ka lheuehnyan Nabi Daud laju geuteuka dan geucok laju hareuta rampasan prang nyang lumpah le di banda nyan. Lamkawan barang-barang nyang geureupah nyan na mahkota raja Amon. Mahkotanyan brat jih na kira-kira 34 kilogram dan meutahta saboh peumata. Nabi Daud laju geucok peumata nyan dan geupasang laju nibak mahkota gobnyan.
3 Óh lheuehnyan Nabi Daud laju geuangkat peunduduek banda Raba dan geupaksa ureuëng nyan jimeukeureuja deungon jipeuguna gogajo, cangkoi dan pato. Hai nyan geupeubuet cit u ateueh banda-banda Amon nyang laén. Óh lheuehnyan Nabi Daud dan banmandum tantra gobnyan laju geugisa u Yerusalem.
4 Hana padubna treb teuma óh lheuehnyan teujadi prang lom deungon ureuëng Filistin di Gezer. Nibak saboh teumpat muprang nyan Sibkhai ureuëng Husa jiteumé poh maté sidroe ureuëng raya lagée gogasi nyang nanjih Sipa-i. Dan ureuëng Filistin pih laju taloe.
5 Nibak muprang nyang laén watée teulawan ureuëng Filistin, Elhanan aneuëk Yair jipoh maté sidroe ureuëng nyang nanjih Lahmi syedara Goliat ureuëng Gat. Go kapak Lahmi nyan na bube kayée tumpeun ija.
6 Meunan cit nibak muprang nyang laén nyang teujadi di Gat na sidroe ureuëng gogasi nyang aneuk jaroe nam neuk nibak tieb-tieb jaroe dan gaki jihnyan. Ureuëng nyan keuturonan rayeuk-rayeuk lagée gogasi jamén ilée.
7 Ureuëng nyan jipeuhina ureuëng Israel, lé sabab nyan ureuëng nyan geupoh maté lé Yonatan, aneuëk Simea aduen Nabi Daud.
8 Ban lhée droe ureuëng nyang geupoh maté lé Nabi Daud dan pasokan gobnyan na kheueh keuturonan gogasi di Gat.


Chapter 21

1 Iblih meuheut that jikeuneuk peuceulaka ureuëng Israel; kareuna nyan Iblih nyan laju jijak rayu Nabi Daud mangat geupeuna seunsus.
2 Dan geupeugah kheueh lé Nabi Daud ubak Yoab dan banmandum peuwira gobnyan, "Gata peuna kheueh seunsus bansaboh nanggroe Israel sampoe u gampông-gampông nyang jiôh, sabab ulôn keuneuk teupeue na padubdroe jeumeulah peunduduek bansa Israel nyoe."
3 Geujaweueb lé Yoab, "Seumoga TUHAN geupeulipat ganda rakyat Israel sampoe sireutoih goe nibak jeumeulah awaknyan nibak saát nyoe. Nyang Mulia, bukon kheueh ka jeulaih bahwa awaknyan jitaklok ubak Teungku Amphon? Keupeue harôh ta peuna seunsus? Singoh, sabab lé buet nyang salah nyan, banmandum bansa turot jitanggong akibat jih!"
4 Teuma raja teutab geumumat ubak peurintah geuh nyan, lé nyan Yoab jijak laju ban saboh nanggroe Israel, sampoe u tieb-tieb gampông nyang paleng jiôh, óh ka seuleusoe laju geugisa u Yerusalem,
5 dan geujak lapor laju ubak Raja Nabi Daud hase seunsus gobnyan nyan. Jeumeulah ureuëng agam nyang peunoh carat keu jeuet keu sipa-i na 1.100.000 droe di Israel dan 470.000 droe di Yehuda.
6 Teuma sukée Lewi dan sukée Benyamin hana jitamong lam jeumeulah nyan. Yoab hana geupeuna seunsus keu awaknyan sabab gobnyan hana galak jipeubuet peurintah raja nyan.
7 Po teu Allah hana galak Gobnyan keu seunsus nyan dan TUHAN laju geuhuköm ureuëng Israel.
8 Dan laju geumeu doá Nabi Daud ubak Po teu Allah, "Ya Allah, ulôn keubit that ka meudesya! Neupeu amphon kheueh ulôn, sabab buet ulôn nyan keubit that bangai."
9 TUHAN geupeugah ubak Nabi Gad, nyang jeuet keu peunghubong Nabi Daud ngon TUHAN.
10 "Tajak peugah kheueh laju ubak Nabi Daud bahwa Ulôn teuma Lônbri lhée boh mangat jipiléh. Peue mantong nyang jitem teuma Lôn peubuet."
11 Dan jijak kheueh Gad ubak Nabi Daud jijak peusampoe peue nyang ka geupeugah lé TUHAN ubak gobnyan, "Nyang toh nyang Teungku Amphon piléh:
12 Nanggroenyoe keunong musém deuk nyang treb jih na lhée thon, atawa Teungku Amphon neuplueng jilet-let lé musoh nyang treb jih na lhée buleuen, atawa bansaboh nanggroenyoe lhée uroe treb jih geuprang lé TUHAN deungon peudeueng gobnyan nyang sibagoe bala peunyakét, dan malaikat geuba mawöt ho-ho mantong. Neupeuputôh kheueh jinoenyoe peue nyang harôh ulôn peusampoe ubak TUHAN."
13 Geujaweueb lé Nabi Daud, "Adoh, cilaka ulôn nyoe! Teuma nibak jihuköm lé manusia, leubeh gét ulôn nyoe geuhuköm lé TUHAN, sabab Gobnyan rayeuk that gaséh sayang Geuh."
14 Akhéjih TUHAN laju geupeuteuka bala peunyakét ateueh Israel sampoe na 70.000 droe nyang meuninggai donya.
15 Óh lheuehnyan TUHAN geuyue ubak malaikat mangat teujak reuloih Yerusalem. Teuma bak watée malaikat nyan ka trok ubak teumpat ureuëng teungoh ceumeulo boh gandom atra Arauna ureuëng Yebus, TUHAN laju geu-ubah keuputosan Gobnyan keu geuhuköm bansa nyan. Gobnyan geupeugah ubak malaikat nyan, "Kaseb! Piôh!"
16 Nabi Daud leumah geukalon malaikat nyan meulayang-layang lamkawan langét ngon bumoe. Deungon peudeueng nibak jaroe, malaikat nyan ka siab keuneuk geujak peubinasa Yerusalem. Lé sababnyan Nabi Daud dan peumimpén-peumimpén rakyat, nyang bak watée nyan teungoh jisôk peukayan ija krông sabab tanda meunyeusai, laju geusujut ateueh tanoh.
17 Nabi Daud geumeudoá, "Ya, Allah, ulôn kheueh nyang salah. Ulôn kheueh ya TUHAN nyang yue seunsus nyan. Bansa nyoe meubacut pih hana meusalah! Ya TUHAN, Po teu Allah ulôn, neuhuköm kheueh ulôn dan keuluwarga ulôn, teuma neupeujiôh kheueh mala peutaka nyoe ateueh umat Droeneueh."
18 Laju malaikat TUHAN geuyue ubak Gad mangat jijak peusampoe ubak Nabi Daud bahwa gobnyan harôh geujak ék u ateueh teumpat ceumeulo gandom atra Arauna dan geupeudong miseubah di ateueh nyan.
19 Lé sababnyan geubeurangkat kheueh Nabi Daud nyang sisuai deungon peurintah TUHAN nyang ka geupeusampoe ubak gobnyan meulalu Gad.
20 Diteumpat jambo phui aneuk gandom nyan Arauna dan peuet droe aneuëk gobnyan nyang agam teungoh jiceumeulo boh gandom. Ban leumah jikalon malaikat nyan, ban peuet droe aneuëk Arauna nyan laju jiplueng jijak söm droe.
21 Bak watée Arauna jikalon Raja Nabi Daud nyang teuka ubak gobnyan, lé gobnyan laju geujak meurumpok ngon Nabi Daud sira geusujut dikeue nabi Allah nyan.
22 Geupeugah lé Nabi Daud ubak Arauna nyan, "Ulôn keuneuk peugöt miseubah diteumpat nyoe keu TUHAN, mangat balanyoe gadôh. Lé sababnyan gata peubloe kheueh tanoh nyoe keu ulôn. Gata peugah kheueh laju padub yuem jih, jeuet lôn bayeue."
23 "Ah, neucok mantong ya Teungku Amphon," jijaweueb lé Arauna, "dan neupeubuet kheueh laju peue nyang Teungku Amphon anggab nyan get. Nyoepat na leumô-leumô keureubeuen nyang teutot, dan keu kayée apui jih Teungku Amphon jeuet neungui papeuen-papeuen alat ceumeulo aneuk gandom nyoe. Meunan cit jeuet neucok aneuk gandom nyan keu peuseumahan. Banmandum nyan ulôn jok, bék neubayeue lé Teungku Amphon bahpi mubacut."
24 Teuma geujaweueb lé Nabi Daud, "Bék meunan! Ulôn keuneuk bayeue yuem jihnyoe deungon yuem nyang peunoh. Ulôn hana lôntem keureubeuen keu TUHAN peue nyang atra gata atawa sapeue-sapeue nyang ulôn teumé deungon cuma-cuma."
25 Dan Nabi Daud laju geubayeue keu Arauna deungon péng méuh nyang le jih na 600 keuteumpat nyan.
26 Lé Nabi Daud geupeudong laju saboh miseubah diteumpat nyan keu TUHAN, dan geupeuseumah laju keureubeuen nyang teutot dan keureubeuen peudamé. Óh lheueh nyan gobnyan geumeudoá ubak TUHAN dan TUHAN pih geudeungoe doá gobnyan sira geupeutron apui di langét dan apuinyan laju jilahiëb banmandum keureubeuen-keureubeuen nyan.
27 Óh lheuehnyan TUHAN laju geuyue malaikat nyan mangat geujak pasolom u dalam sarong peudeueng nyang ka teusuit nyan, dan malaikat nyan laju geupeubuet peue nyang ka geupeurintah lé TUHAN ubak gobnyan nyan.
28 Bak watée geungieng lé Nabi Daud bahwa TUHAN ka geujaweueb doá gobnyan sabab peue nyang ka geupeuseumah nyan, lé nyan teuma gobnyan geupeuseumah lom keureubeuen nibak miseubah nyan.
29 Bak watéenyan khimah TUHAN nyang geupeugöt lé Nabi Musa di padang pasi dan miseubah keu teumpat keureubeuen nyang teutot mantong na di teumpat iébadat di Gibeon.
30 Teuma Nabi Daud hana geujeuet geujak keudeh keu geujak meututoe deungon Po teu Allah, sabab gobnyan teumakot that-that keu peudeueng malaikat TUHAN.


Chapter 22

1 Lheueh nyan geupeugah lé Nabi Daud, "Diteumpat nyoe kheueh nyang harôh teupeudong Baét TUHAN Allah. Dan dimiseubah nyoe kheueh ureuëng Israel harôh jipeuseumah keureubeuen nyang teutot keu TUHAN."
2 Nabi Daud laju geuyue peusapat banmandum ureuëng aséng nyang na tinggai di nanggroe Israel, laju gobnyan geuyue jok buet keu awaknyan. Siladum nibak awaknyan geuyue peut batée keu teupeugöt Baét TUHAN.
3 Keu teupeugét labang ngon eunsée keu pintoe-pintoe geureubang Baét TUHAN nyan, laju geupeusapat beuso nyang le that lé Nabi Daud. Meunan cit deungon peurunggu le that cit geupeusapat, sabab le that atranyan ka hana hase le teutimang.
4 Ubak ureuëng Tirus dan Sidon geupeusan kayée ceumara Libanon nyang le that.
5 Banmandum nyang geukeureuja lé Nabi Daud nyan na kheueh kareuna gobnyan geupike lagéenyoe: "Ulôn harôh ulôn peusiab peue nyang paleng peureulée keu teupeudong Baét TUHAN. Sabab Nabi Sulaiman aneuëk agam ulôn mantong that muda dan gohlom na peungalaman, seudang Baét TUHAN nyang teuma teupeudong nyan harôh nyang gét meugah dan meusyeuhu bansaboh donya." Dan sigohlom Nabi Daud meuninggai donya, bahan bangunan nyang teupeureulée keu teupeudong Baét TUHAN ka seb le.
6 Nabi Daud laju geuhôi aneuëk agam gobnyan nyang nan Nabi Sulaiman nyan, dan bak aneuëk geuhnyan geupeurintah laju mangat Nabi Sulaiman nyan geutem peudong baét keu TUHAN Allah nyang jiseumah lé umat Israel.
7 Geupeugah lé Nabi Daud ubak Nabi Sulaiman aneuëk gobnyan nyan, "Hai aneuëk ulôn, katreb that-that ulôn naniet keuneuk peudong saboh rumoh keuteumpat ulôn horeumat TUHAN Allah ulôn.
8 Teuma lé TUHAN geupeugah ubak ulôn bahwa ulôn ka kayém that ulôn muprang dan ka ulôn poh maté ureuëng jai lumpah na. Lé sababnyan Gobnyan hana geubri idhin keu ulôn mangat lôn peudong baét keu Gobnyan.
9 Teuma pi meunan, Gobnyan ka geumeu janji ubak ulôn nyang geupeugah lagéenyoe: 'Gata meuteumé sidroe aneuëk agam nyang mat peurintah deungon aman teuntram, sabab Ulôn kutulông jihnyan sampoe hanale musoh nyang jijakprang jihnyan. Aneuëk nyan teuma teuboh nan Sulaiman sabab simantong jihnyan jimat keurajeuen, Ulôn teutab Ulôn bri keuteuntraman dan keuamanan bansaboh nanggroe Israel.
10 Aneuëk agam gatanyan kheueh nyang teuma peudong baét keu Ulôn. Jihnyan teuma jeuet keu aneuëk Ulôn dan Ulôn teuma jeuet keu bapak jih. Takhta keurajeuen Israel teutab nibak keuturonan jihnyan sampoe siumu masa.' "
11 Dan geupeugah lom lé Nabi Daud, "Jinoenyoe hai aneuëk ulôn, seumoga TUHAN Po teu Allah gata sabena meusajan gata dan geutulông gata. Dan seumoga gata meuhase tapeudong baét keu TUHAN lagée nyang ka geupeujanji nyan.
12 Dan mudah-mudahan TUHAN Po teu Allah gata geubri keu gata keubijaksanaan dan peungeurtian mangat jeuet tapeurintah ateueh Israel nyang paih deungon huköm-huköm Gobnyan.
13 Meunyoe gata tataát ubak banmandum huköm nyang ka geubri ubak Nabi Musa keu bansa Israel, teuma gata teutab meuhase. Gata harôh yakén dan gata jeuet. Bék tatakot keuhai peue mantong.
14 Keuhai Baét TUHAN nyan ulôn ka lôn meu-useuha bit-bit that mangat lôn jak peusapat 3.400 ton méuh dan leubeh nibak 34.000 ton pirak. Seulaén nibak nyan na peurunggu dan beuso nyang hana teuitong le jih. Meunan cit deungon kayée dan batée ka cit ulôn keubah, teuma gata harôh tatamah lom atra nyan.
15 Bak gata ramé ureuëng meukeureuja nyang jitem jakbuet. Na nyang jeuet jimeubuet bak tambang batée, na tukang kayée, tukang batée dan le lom tukang pade nyang carông jipeugét
16 méuh, pirak, peurunggu dan beuso. Gata peuphon kheueh laju phon saát nyoe! Seumoga TUHAN geutulông gata."
17 Dan Nabi Daud pih geukrah laju banmandum peumimpén Israel jijak tulông Nabi Sulaiman.
18 Geupeugah teuma lom, "TUHAN Po teu Allah gata ka geutulông gata, dan geubri damé ngon teuntram bansaboh nanggroe. Gobnyan ka geupeumungken ulôn sampoe hase ulôn peutaloe banmandum bansa nyang yoh watée ilée tinggai dinanggroe nyoe. Teuma jinoenyoe awaknyan ka taklok ubak gata dan ubak TUHAN.
19 Lé sabab nyan kheueh gata rameungabdi ubak TUHAN Po teu Allah gata deungon sigeunab jiwa raga gata. Neupeuphon kheueh peudong baét keu TUHAN, mangat Peuto Peujanjian Gobnyan dan banmandum peukakaih nyang laén nyang teupeungui khusos keu iébadat jeuet teukeubah disinan."


Chapter 23

1 Bak watée Nabi Daud ka tuha that-that gobnyan laju geubaiát Nabi Sulaiman jeuet keuraja Israel.
2 Raja Nabi Daud laju geupeusapat banmandum peumimpén ureuëng Israel, teungku-teungku imeum dan ureuëng Lewi,
3 lheuehnyan laju geu itong banmandum ureuëng agam Lewi nyang ka meu-umu lhée ploh thon u ateueh. Banmandum nyan na 38.000 droe.
4 Dan 24.000 droe lamkawan awaknyan geubri tugaih keu keujipeugöt Baét TUHAN, 6.000 droe geuyue uroih administrasi dan peukara-peukara di kantô peungadelan,
5 4.000 droe geubri tugaih bagian mando, dan 4.000 droe teuk bakbuet seumujoe ubak TUHAN deungon alat-alat musik nyang ka geukeubah.
6 Nabi Daud geubagi ureuëng Lewi nyan lam lhée boh keulompok meunurot kawöm awaknyan, na kheueh kawöm Gerson, Kehat dan Merari.
7 Gerson na jimeu aneuëk dua droe aneuëk agam: Ladan dan Simei.
8 Aneuëk agam si Ladan na teuma lhée droe: Yehiel, Zetam dan Yoël.
9 Awaknyan na kheueh ulée kawöm keuturonan Ladan. (Selomit, Haziel dan Haran na kheueh aneuëk agam Simei.)
10 Na peuet droe aneuëk agam Simei nyang meunurot umu meuturot-turot na kheueh: Yahat, Ziza, Yeus dan Beria. Keuturonan Yeus dan Beria hanale, jadi awaknyan teuanggab saboh kawöm.
12 Kehat na jimeu aneuëk peuet droe aneuëk agam: Amram, Yizhar, Hebron dan Uziel.
13 Amram na kheueh ureuëng syiek Nabi Harun dan Nabi Musa. (Nabi Harun dan keuturonan gobnyan keu siumu masa ka geupeu khusos keu geu-uroih peukakaih-peukakaih rumoh iébadat, geuyue tot keumeunyan keu TUHAN, geulayani TUHAN dan geubri beureukat keu rakyat ateueh nan TUHAN.
14 Aneuëk agam Nabi Musa hamba Po teu Allah nyan jitamong lam sukée Lewi.)
15 Nabi Musa na teuma geumeu aneuëk dua droe aneuëk agam, awaknyan na kheueh Gersom dan Eliezer.
16 Nyang jeuet keupeumimpén aneuëk-aneuëk Gersom na kheueh Sebuel.
17 Eliezer na geumeu aneuëk sidroe aneuëk agam nyang geuboh nan Rehabya. Teuma Rehabya na geumeu aneuëk le that.
18 Yizhar aneuëk Kehat nyang keudua, na jimeu aneuëk agam nyang jiboh nan Selomit; gobnyan na kheueh ulée kawöm.
19 Hebron aneuëk Kehat nyang keu lhée, na teuma jimeu aneuëk peuet droe aneuëk agam: Yeria nyang paleng tuha, Amarya, Yahaziel dan Yekameam.
20 Uziel, aneuëk Kehat nyang keu peuet, na jimeu aneuëk dua droe aneuëk agam: Mikha nyang paleng tuha, dan Yisia.
21 Merari na jimeu aneuëk dua droe aneuëk agam: Mahli dan Musi. Mahli na jimeu aneuëk dua droe aneuëk agam, Eleazar dan Kish,
22 teuma Eleazar meuninggai donya nyang hana jitinggai aneuëk agam bahnyan meusidroe pi; nyang na aneuëk inong nyang jimeukawen deungon syedara-syedara karong jih, na kheueh deungon aneuëk-aneuëk Kish.
23 Musi, aneuëk Merari nyang keudua, na teuma jimeu aneuëk lhée droe aneuëk agam: Mahli, Eder dan Yeremot.
24 Nyan kheueh nan-nan keuluwarga Lewi nyang na teucetet meunurot nan ulée kawöm dan keuluwarga gobnyan maséng-maséng. Awaknyan meu-umu dua ploh thon u ateueh dan meuteumé tugaih di Baét TUHAN.
25 Nabi Daud geupeugah, "TUHAN Po teu Allah Israel geubri keuteuntraman ubak umat Gobnyan, dan Gobnyan keudroe tinggai di Yerusalem keu siumu masa.
26 Lé sabab nyan, Khimah TUHAN dan banmandum peukakaih nyang teungui keu iébadat hanapeu geugulam lé ureuëng Lewi."
27 Deungon dasai nibak peurintah-peurintah nyang keuneuleuh nibak Nabi Daud nyan, banmandum ureuëng Lewi, meunyoe ka meu-umu
20 thon, harôh teudafeutar mangat jeuet meutugaih.
28 Awaknyan harôh jibantu teungku-teungku imeum keuturonan Nabi Harun bak watée jipeubuet upacara iébadat di Baét TUHAN, teupeulara peulataran-peulataran dan bilék-bilék di Baét TUHAN, meunan cit jijaga peue mantong nyang ka teupeukhusos keu TUHAN bék jeuet keu kuto.
29 Meunan cit awaknyan meutanggong jaweueb ateueh nyang teukheun lom nyoe: ruti nyang teupeuseumah keu Po teu Allah, teupông nyang teupeuguna keu ngon peuseumahan keu TUHAN, juadah lipeh nyang teupeugét dan hana keunong rago, keureubeuen nyang teupanggang, dan teupông nyang teujampu deungon minyéuk zaiton. Meunan cit tugaih awaknyan jitimang ngon jisukat peuseumahan-peuseumahan nyang teuba u Baét TUHAN.
30 Seulaén nibak nyan awaknyan harôh jimeuca-e ngon jimeuseulaweuet keu jipujoe TUHAN bak watée tieb-tieb beungoh dan tieb-tieb malam;
31 meunan cit pajan mantong na keureubeuen nyang teutot keu TUHAN nibak uroe Sabat, bak watée peurayaan bak Buleuen Barô, dan nibak peurayaan-peurayaan nyang laén. Keuhai jeumeulah ureuëng Lewi nyang harôh jimeutugaih bak tieb-tieb watée, nyan pi ka teupeugöt peuratoran jih. Keu siumu masa ureuëng Lewi harôh geupeubuet tugaih nyan.
32 Meunan cit ubak awaknyan teubri cit teuma tanggong jaweueb keu jipeulara Khimah TUHAN meunan cit deungon Baét TUHAN dan keu jibantu syedara-syedara awaknyan, na kheueh bubena teungku imeum keuturonan Nabi Harun, bak watée teupeuna iébadat di teumpat nyan.


Chapter 24

1 Nabi Harun na geumeu aneuëk peuet droe aneuëk agam: Nadab, Abihu, Eleazer dan Itamar. Nadab dan Abihu meuninggai leubeh ilée nibak ureuëng syiek jih dan hana jitinggai aneuëk meusidroe pih. Lé sabab nyan Eleazer dan Itamar syedara gobnyan jeuet keu teungku imeum. Nabi Daud geubagi keuturonan Nabi Harun lam keulompok-keulompok nyang meunurot tugaih awaknyan. Lam hai meubuet meukeulompok nyan Nabi Daud geubantu lé Zadok keuturonan Eleazer dan lé Ahimelekh keuturonan Itamar.
4 Keuturonan Itamar teubagi teuma jeuet lapan boh keulompok, seudangkan keuturonan Eleazer jeuet nam blaih boh keulompok, sabab didalam keuluwarga Eleazer leubeh le keuturonan nyang agam jeuet keu ulée keuluwarga.
5 Bah kheueh didalam keuturonan Eleazer meunan cit didalam keuturonan Itamar na peujabat-peujabat Baét TUHAN dan peumimpén-peumimpén agama, lé sababnyan peubagian tugaih jipeugöt deungon cara teu-undi.
6 Keuturonan Eleazer dan keuturonan Itamar meugantoe-gantoe jitarek undi, dan nan-nan awaknyan laju jicetet lé sidroe seukeutareh nyang nan jih Semaya aneuëk Netaneel ureuëng Lewi. Banmandum nyan jipeubuet dikeue raja meusajan deungon peugawée-peugawée gobnyan, Teungku Imeum Zadok, Ahimelekh aneuëk Abyatar meunan cit deungon ulée-ulée keuluwarga geulongan imeum dan ulée-ulée keuluwarga golongan Lewi.
7 Nyoe kheueh lumboi meunurot gileran tugaih nyang meuteumé dan meunurot nyang teu-undi keu ban dua ploh boh keulompok nyan: 1. Yoyarib 2. Yedaya 3. Harim 4. Seorim 5. Malkia 6. Miyamin 7. Hakos 8. Abia 9. Yesua 10. Sekhanya 11. Elyasib 12. Yakim 13. Hupa 14. Yesebeab 15. Bilga 16. Imer 17. Hezir 18. Hapizes 19. Petahya 20. Yehezkiel 21. Yakhin 22. Gamul 23. Delaya 24. Maazya
19 Nan-nan ureuëng nyang ka teupeugah nyan teucetet meunurot gileran awaknyan keu jitamong u dalam Baét TUHAN dan jipeubuet tugaih iébadat nyang ka geupeuteutab lé Nabi Harun, indatu awaknyan, nyang paih lagée peurintah TUHAN, Allah Israel.
20 Seulaén nibak nyan lam keuturonan ureuëng Lewi mantong jitamong keunan ulée-ulée keuluwarga nyang teupeugah seulanjut jihnyoe: Yehdeya, keuturonan Amram nibak garéh keuturonan Subael; Yisia, keuturonan Rehabya; Yahat, keuturonan Yizhar nibak garéh keuturonan Selomot; Yeria, Amarya, Yahaziel dan Yekameam aneuëk-aneuëk Hebron meunurot urotan umu jih; Samir, keuturonan Uziel nibak garéh keuturonan Mikha; Zakharia, keuturonan Uziel nibak garéh keuturonan Yisia syedara Mikha; Mahli, Musi dan Yaazia, keuturonan Merari.
27 Yaazia na jimeu aneuëk lhée droe aneuëk agam: Syoham, Zakur dan Hibri.
28 Mahli na teuma jimeu aneuëk dua droe aneuëk agam nyang teuboh nan Eleazar dan Kish. Eleazar hana jimeu aneuëk nyang agam, teuma Kish na jimeu aneuëk sidroe aneuëk agam nyang teuboh nan Yerahmeel.
30 Aneuëk agam Musi na lhée droe: Mahli, Eder dan Yerimot. Nyan kheueh keuluwarga-keuluwarga lam sukée Lewi.
31 Keu gileran tugaih awaknyan, tieb-tieb ulée keuluwarga meusajan deungon adoe jih nyang agam jitarek undi lagée nyang ka jipeubuet lé waréh kawöm awaknyan, na kheueh lé teungku-teungku imeum nibak keuturonan Nabi Harun. Watée teutarek undi nyan jipeusaksi lé Raja Nabi Daud meusajan deungon Zadok, Ahimelekh meunan cit deungon ulée-ulée keuluwarga nibak gulongan teungku-teungku imeum dan nibak gulongan ureuëng Lewi.


Chapter 25

1 Keu teupimpén upacara-upacara iébadat, Nabi Daud dan bandum peumimpén ureuëng Lewi laju geupiléh kawöm-kawöm Lewi nyang teupeugah nyoe: Asaf, Heman dan Yedutun. Awaknyan geubri tugaih keu jijak peusampoe peusan nibak Po teu Allah sira ji-iréng deungon su musik keucapi, rapa-i gambus dan simbal. Keu teupimpén iébadat deungon upacara jihnyan maséng-maséng, teupiléh teuma reugu-reugu nyang teupeugah nyoe:
2 Ban peuet droe aneuëk agam Asaf: Zakur, Yusuf, Netanya dan Asarela. Nyang jeuet keupeumimpén awaknyan na kheueh Asaf, nyang peusampoe peusan nibak Po teu Allah, meunyoe ka geubri tugaih lé raja.
3 Ban nam droe aneuëk agam Yedutun: Gedalya, Zeri, Yesaya, Simei, Hasabya dan Matica. Dimiyueb pimpénan ureuëng syiek awaknyan, awaknyan laju jipeusampoe peusan nibak Po teu Allah deungon musik keucapi, dan awaknyan jica-e deungon meurateb seumujoe meunan cit deungon teupeugah syukoe ubak TUHAN.
4 Ban peuet blaih droe aneuëk agam Heman na kheueh: Bukia, Matanya, Uziel, Sebuel, Yerimot, Hananya, Hanani, Eliata, Gidalti, Romamti-Ezer, Yosbekasa, Maloti, Hotir dan Mahaziot.
5 Heman na kheueh nabi pribadi raja. TUHAN geubri ban peuet blaih droe aneuëk agam nyan meunan cit lhée droe aneuëk inong ubak Heman kareuna TUHAN ka geumeujanji keu geubri keududuekan nyang teuhoreumat keu gobnyan.
6 Banmandum aneuëk Heman nyan jipeumeu-én musik simbal, keucapi dan rapa-i gambus dimiyueb pimpén ureuëng syiek gobnyan keudroe keu teuiréng upacara iébadat di Baét TUHAN. Asaf, Yedutun dan Heman meuteumé tugaih sisuai deungon nyang ka geutunyok lé raja.
7 Ban dua ploh peuet droe aneuëk agam awaknyan dan waréh kawöm awaknyan na kheueh ahli-ahli musik nyang ka teulateh. Awaknyan banmandum na 288 droe.
8 Keu teupeuteuntée gileran tugaih, awaknyan bandum jitarek undi -- bah kheueh nyan nyang muda meunan cit nyang tuha, bah kheueh nyan nyang kana peungalaman meunan cit nyang ban mantong meuruno.
9 Ban 288 droe nyan teubagi teuma u dalam 24 boh keulompok meunurot keuluwarga maséng-maséng. Tieb-tieb keulompok na 12 droe dimiyueb pimpénan sidroe. Nyoe kheueh urotan nan-nan awaknyan meunurot nyang ka teu-undi: 1. Yusuf nibak keuluwarga Asaf 2. Gedalya 3. Zakur 4. Yizri 5. Netanya 6. Bukia 7. Yesarela 8. Yesaya 9. Matanya 10. Simei 11. Azareel 12. Hasabya 13. Subael 14. Matica 15. Yeremot 16. Hananya 17. Yosbekasa 18. Hanani 19. Maloti 20. Eliata 21. Hotir 22. Gidalti 23. Mahaziot 24. Romamti-Ezer


Chapter 26

1 Nyoe na kheueh peumbagian tugaih keu ureuëng-ureuëng Lewi nyang jeuet keu nyang kawai Baét TUHAN. Nibak kawöm Korah jitunyok Meselemya aneuëk Kore nibak keuluwarga Ebyasaf.
2 Gobnyan na tujoh droe aneuëk agam nyang teudafeutar meunurot urotan umu: Zakharia, Yediael, Zebaja, Yatniel,
3 Elam, Yohanan, Elyoënai.
4 Lheuehnyan teutunyok teuma Obed-Edom. Gobnyan geubri beureukat lé Po teu Allah deungon 8 droe aneuëk agam nyang teudafeutar meunurot urotan umu: Semaya, Yozabad, Yoah, Sakhar, Netaneel,
5 Amiel, Isakhar dan Peuletai.
6 Semanya aneuëk tuha Obed-Edom na jimeu aneuëk 6 droe aneuëk agam: Otni, Refael, Obed, Elzabad, Elihu dan Semakhya; banmandum nyan na kheueh ureuëng-ureuëng peunteng dalam kawöm awaknyan sabab awaknyan gagah peukasa, nyang paleng meugah Elihu dan Semakhya.
8 Keuhai buet teukawainyan kawöm Obed-Edom teubri teuma 62 >droe ureuëng agam nyang peukasa.
9 Kawöm Meselemya teubri teuma na 18 droe ureuëng nyang peukasa.
10 Nibak kawöm Merari teutunyok teuma Hosa. Gobnyan na peuet droe aneuëk agam: Simri (jihnyan bukon aneuëk tuha, teuma teuangkat jeuet keu peumimpén lé ureuëng syiek geuh),
11 Hilkia, Tebalya dan Zakharia. Banmandum nyan na 13 droe anggota keuluwarga Hosa nyang jeuet keu nyang kawai Baét TUHAN.
12 Ureuëng nyang kawai Baét TUHAN teubagi dalam keulompok-keulompok meunurot kawöm jih. Dan meunan cit keu awaknyan teubri cit tugaih-tugaih didalam Baét TUHAN saban lagée nyang ka teubri keu ureuëng Lewi.
13 Tieb-tieb kawöm bah kheueh nyan kawöm nyang rayeuk meunan cit deungon kawöm nyang ubit, teutarek undi mangat teuteupeue bak babah pintoe geureubang nyang toih awaknyan meuteumé tugaih.
14 Selemya meuteumé tugaih nibak babah pintoe geureubang di siblaih u timu. Nabi Zakharia aneuëk gobnyan, nyang sabe geubri naseuhat nyang jroh-jroh, meuteumé tugaih nibak babah pintoe geureubang di siblaih utara.
15 Obed-Edom meuteumé tugaih nibak babah pintoe di siblaih u seulatan seudangkan aneuëk-aneuëk gobnyan meuteumé tugaih teujaga gudang peuleungkapan.
16 Supim dan Hosa meuteumé tugaih nibak pintoe siblaih u barat dan pintoe geureubeng Syalekhet nyang na nibak rot nyang meusineungoh. Tugaih teukawai ka geuato lagéenyan bagoe deungon nyan sabe na ureuëng kawai di tieb-tieb babah pintoe geureubang.
17 Tieb-tieb uroe disiblaih u timu sabe na 6 droe peungawai, siblaih utara 4 droe dan siblaih u seulatan 4 droe. Meunan cit deungon gudang-gudang peuleungkapan na ureuëng jaga 4 droe: 2 droe tieb-tieb saboh gudang.
18 Nibak papilyun siblaih si ubarat na teuma meutugaih 4 droe peungawai nibak rot dan 2 droe tukang kawai nibak papilyun nyan keudroe.
19 Meunan kheueh cara jih teubagi tugaih kawai keu kawöm Korah dan kawöm Merari.
20 Ureuëng-ureuëng nyang laén lam sukée Lewi teujok tanggong jaweueb ateueh hareuta beunda Baét TUHAN dan ateueh gudang-gudang teumpat teukeubah nyang teupeuseumah-peuseumah keu Po teu Allah.
21 Na sidroe aneuëk agam Gerson nyang nan jih Ladan; gobnyan jipeutron na meupadub boh keulompok kawöm, jitamong cit keunan kawöm Yehiel aneuëk jihnyan.
22 Aneuëk-aneuëk Yehiel, nyang nan jih Zetam dan Yoël, teubri tanggong jaweueb ateueh gudang-gudang dan keuhai péng Baét TUHAN.
23 Keuturonan Amram, Yizhar, Hebron dan Uziel pi awaknyan meuteumé tugaih.
24 Sebuel nibak kawöm Gersom, aneuëk Nabi Musa, na kheueh nyang kawai hareuta beunda Baét TUHAN.
25 Gobnyan na hubongan keuluwarga deungon Selomit meulalu Eleazar syedara Gersom. Garéh keuturonan Eliezer sampoe ubak Selomit na kheueh lagéenyoe: Eliezer, Rehabya, Yesaya, Yoram, Zikhri, Selomit.
26 Selomit dan wareh kawöm jihnyan meutanggong jaweueb ateueh banmandum peuseumahan nyang geubri lé Nabi Daud, lé ulée-ulée keuluwarga, peumimpén-peumimpén kawöm, dan bubena peuwira-peuwira manyang.
27 Peue-peue nyang teujok nyan na kheueh siladum nibak hareuta nyang teureupah di mideuen prang dan awaknyan peuseumah khusos lam Baét TUHAN.
28 Paneuk haba, Selomit dan keuluwarga jihnyan meutanggong jaweueb ateueh peue mantong nyang ka teuseurah keu peuguna khusos lam Baét TUHAN, jitamong cit keunan keu peuseumahan-peuseumahan nyang teujok meulalu Nabi Samuel ka geubri lé Raja Saul, lé Abner aneuëk Ner, dan lé Yoab aneuëk Zeruya.
29 Keuturonan Yizhar, na kheueh Kenanya dan aneuëk-aneuëk gobnyan, teubri tugaih sibagoe administrasi nanggroe dan tugaih-tugaih nibak kantô peungadelan di Israel.
30 Peue mantong urosan keu agamaan dan urosan peumeurintahan di Israel bagian barat Krueng Yordan geuseurah ubak Hasabya, dan keu 1.700 droe waréh kawöm gobnyan: banmandum nyan na kheueh ureuëng-ureuëng meusyeuhu keuturonan Hebron.
31 Peumimpén keuturonan Hebron na kheueh Yeria. Bak thon nyang keupeuet ploh geumat keurajeuen lé Nabi Daud laju jipeuna seulidek keuhai keuturonan Hebron. Nibak hase teuseulidek nyan teunyata na sipa-i-sipa-i nyang peukasa nyang tinggai di Yazer didalam wilayah Gilead.
32 Peue mantong urosan keu agamaan dan peumeurintahan di Israel siblaih u timu Krueng Yordan -- na kheueh wilayah sukée Ruben, Gad dan siladum sukée Manasye -- teuseurah teuma ubak 2.700 ulée keuluwarga Yeria, banmandum nyan na kheueh ureuëng meusyeuhu nyang geupiléh lé Raja Nabi Daud.


Chapter 27

1 Urusan peumeurintah keurajeuen Israel lé ulée-ulée keuluwarga, peumimpén-peumimpén kawöm dan peuwira-peuwira. Tieb-tieb thon treb jih sibuleuen na saboh keulompok nyang meutugaih seucara meugantoe-gantoe dimiyueb pimpénan sidroe ulée. Maséng-maséng keulompok na 24.000 droe ureuëng. Nyoe kheueh na ulée keulompok nyang meutugaih keu tieb-tieb buleuen: Buleuen nyang keu phon: Yasobam aneuëk Zabdiel (geuhnyan anggota kawöm Peres sukée Yehuda). Buleuen keudua: Dodai, keuturonan Ahohi. Miklot na kheueh waki gobnyan. Buleuen nyang keulhée: Benaya aneuëk Imeum Yoyada; gobnyan jipimpén "Keulompok Tridasawira" (Amizabad aneuëk gobnyan na kheueh waki geuh). Buleuen nyang keu peuet: Aseal syedara Yoab (geunantoe gobnyan na kheueh Zebaja, aneuëk geuh). Buleuen nyang keulimong: Samhut, keuturonan Yizrah. Buleuen nyang keunam: Ira aneuëk Ikes, nibak banda Tekoa. Buleuen nyang keu tujoh: Heles, keuturonan Efraim nibak banda Peloni. Buleuen nyang keu lapan: Sibkhai nibak banda Husa (gobnyan anggota kawöm Zerah, sukée Yehuda). Buleuen nyang keu sikureueng: Abiezer nibak banda Anatot di wilayah sukée Benyamin. Buleuen nyang keu siploh: Maharai, keuturonan Zerah nibak banda Netofa. Buleuen nyang keu siblaih: Benaya nibak banda Piraton di wilayah sukée Efraim. Buleuen nyang keu dua blaih: Heldai keuturonan Otniel nibak banda Netofa.
16 Nyoe kheueh dafeutar nan-nan ulée sukée lam bansa Israel: Sukée & Ulée
23 Nabi Daud hana geupeukeunong seunsus ateueh ureuëng nyang meu-umu dimiyueb 20 thon, sabab TUHAN ka geumeujanji geukeuneuk peujeuet ureuëng Israel nyang le jih sidub bintang nyang na di langét.
24 Yoab aneuëk Zeruya ka geupeuphon peuna seunsus, teuma buet geuhnyan hana geupeuseuleusoe, sabab Po teu Allah ka geuhuköm ureuëng Israel, kareuna seunsus nyan. Nyang kheueh sabab jih awaknyan hana teucetet padub jeumeulah jih didalam kitab Raja Daud.
25 Nyoe kheueh dafeutar nan ureuëng nyang jeuet keupeunguroih hareuta milék raja: Gudang-gudang nyang na nibak meuligoe dan di Yerusalem: Azmawet aneuëk Adiel Gudang-gudang nyang na di luwa Yerusalem: Yonatan aneuëk Uzia Nyang meukeureuja di blang: Ezri aneuëk Kelub Nyang uroih lampôh-lampôh anggô: Simei nibak banda Rama Nyang uroih teumpat-teumpat teukeubah anggô: Zabdi nibak banda Syifmi Bak zaiton dan bak ara (nibak gaki peugunongan di siblaih ubarat): Baal-Hanan nibak banda Gederi Nyang uroih teumpat teukeubah minyéuk zaiton: Yoas Nyang uroih beulatang peulara nyang na di Padang Saron: Sitrai nibak banda Saron Nyang uroih beulatang peulara nyang na di pantôn-pantôn: Safat aneuëk Adlai Nyang uroih unta: Obil keuturonan Nabi Ismail Nyang uroih keuleudée: Yehdeya nibak banda Meronot Nyang uroih bubiri ngon kaméng: Yazis, ureuëng Hagri.
32 Apha Nabi Daud nyang nan geuh Yonatan, na kheueh sidroe peunaseuhat nyang carông lhom malém. Gobnyan dan Yehiel aneuëk Hakhmoni geubri tugaih tanggong jaweueb ateueh peundidikan aneuëk agam raja.
33 Ahitofel na kheueh peunaseuhat raja, dan Husai ureuëng Arki na kheueh nyang bri naseuhat dan rakan krab raja.
34 Óh ka lheueh Ahitofel meuninggai donya, gobnyan jigantoe lé Abyatar dan Yoyada aneuëk Benaya. Nyang jeuet keupanglima angkatan prang keurajeuen na kheueh Yoab.


Chapter 28

1 Nabi Daud geupeurintah mangat banmandum peumimpén Israel jimeusapat di Yerusalem. Jadi, bubena ulée sukée, bubena peujabat urosan peumeurintahan, bubena ulée kawöm, bubena ureuëng nyang kawai hareuta benda dan beulatang peulara sira aneuëk-aneuëk agam raja -- paneuk jih bubena ureuëng rayeuk nyang na didalam meuligoe, peuwira dan ureuëng peunteng, banmandum nyan meusapat di Yerusalem.
2 Nabi Daud geudong dikeue awaknyan dan laju geumariet, "Syedara-syedara ulôn nyang saboh bansa, deungoe kheueh nyoe! Ka treb that-that ulôn naniet keuneuk peudong saboh rumoh nyang peumanen keu teumpat Peuto Peujanjian, teumpat geugilo lé gaki TUHAN Allah geutanyoe. Ulôn ka lôn peugöt peusiapan mangat teupeudong saboh teumpat teuseumah Gobnyan.
3 Teuma TUHAN geutam ulôn bék lôn peubuet hai nyang lagéenyan sabab ulôn nyoe sidroe sipa-i nyang ka jai that ulôn peurö darah gob.
4 TUHAN, Po teu Allah nyang jiseumah lé Israel, ka geupiléh ulôn dan keuturonan ulôn mangat jeuet lôn mat peurintah ateueh Israel keu siumu masa. Keu teupeusiab sidroe peumimpén nyang teupiléh nibak sukée Yehuda, dan nibak sukée nyan Gobnyan geupiléh nibak keuluwarga ureuëng syiek ulôn. Dan nibak banmandum anggota keuluwarga ureuëng syiek ulôn nyan Gobnyan ka sipakat teupiléh ulôn dan geupeujeuet ulôn keuraja ateueh banmandum bansa Israel.
5 TUHAN ka geubri aneuëk nyang le keu ulôn dan nibak aneuëk nyang le nyan Gobnyan ka geupiléh Nabi Sulaiman keu jimat peurintah ateueh Israel, keurajeuen TUHAN nyoe.
6 TUHAN geupeugah lagéenyoe, 'Nabi Sulaiman aneuëk gata teuma jipeudong rumoh keu Ulôn. Jihnyan ka Ulôn piléh jeuet keu aneuëk Ulôn, dan Ulôn teuma jeuet keu bapak jih.
7 Meunyoe gobnyan deungon bit-bit geuturot keu huköm-huköm dan peurintah Ulôn lagée nyang ka jipeubuet nibak saát nyoe, Ulôn teuma Lôn peukong keurajeuen jihnyan keu siumu masa.' "
8 Dan geupeugah lom lé Nabi Daud lagéenyoe, "Lé sababnyan, jinoenyoe, hai rakyat ulôn, dikeue Po teu Allah geutanyoe dan dikeue meuhadab ngon banmandum Israel, umat TUHAN nyoe, ulôn meuharab bak gata deungon bit-bit taseutôt banmandum peue nyang ka geupeurintah lé TUHAN Allah geutanyoe. Deungon na lagée nyan gata teutab jeuet keupo nanggroe nyang gét nyoe dan tapeutron waresan keu keuturonan gata keu siumu masa."
9 Lheueh nyan ubak Nabi Sulaiman geupeugah teuma lé Nabi Daud, "Hai aneuëk ulôn, bah kheueh Po teu Allah nyang jiseumah lé ureuëng syiek gata nyoe, gata aku sibagoe Allah gata. Gata harôh tameungabdi ubak Gobnyan deungon até nyang gleh dan tuloih ikhlas. Sabab Gobnyan geuteupeue banmandum pikeran dan peue nyang tesureh lam até geutanyoe. Meunyoe gata tamita Gobnyan, Gobnyan teuma meurumpok deungon gata, teuma meunyoe gata tatinggai Gobnyan, Gobnyan teuma geutulak gata keu siumu masa.
10 Gata ingat kheueh beujroh-jroh bahwa TUHAN ka geupiléh gata keu tapeudong baét nyang khusos keu Gobnyan. Dan jinoenyoe gata peubuet kheueh banmandum peue nyang ka geupeurintah nyan deungon seumangat nyang meutaga."
11 Óh lheueh geupeugah nyan Nabi Daud laju geuseurah ubak Nabi Sulaiman reuncana bangunan Baét TUHAN, meunan cit deungon gudang-gudang jih, banmandum kama jih, dan Ruweueng Mahasuci gobnyan, teumpat teupeu amphon desya.
12 Meunan cit geujok lé Nabi Daud banmandum reuncana nyang ka geupike lé gobnyan keu peulataran-peulataran deungon kama-kama nyang na bansikeulileng nyan, meunan cit keu gudang-gudang peuleungkapan Baét TUHAN dan deungon gudang-gudang teumpat teukeubah keureubeuen-keureubeuen keu TUHAN.
13 Meunan cit geuseurah reuncana keuhai teupeukeulompok teungku-teungku imeum dan ureuëng-ureuëng Lewi, keuhai tugaih-tugaih nyang harôh awaknyan peubuet, na kheueh buet awaknyan di Baét TUHAN dan teupeulara banmandum peukakaih iébadat.
14 Meunan cit geubri teuma peutunyok-peutunyok pakriban cara jih teupeugét méuh dan pirak keu teupeugét peukakaih-peukakaih,
15 keu tieb-tieb panyöt dan gaki panyöt,
16 keu meuja-meuja nibak pirak, dan keu tieb-tieb meuja méuh keuteumpat ruti sajian ubak Po teu Allah.
17 Meunan cit keuhai peutunyok-peutunyok keuhai méuh aseuli nyang harôh teupeuguna keu teupeugét garpu, cambông dan buli-buli, keuhai le ngon dit jih méuh ngon pirak keu teupeugét pireng-pireng,
18 keuhai le jih méuh aseuli keu teupeugét miseubah keuteumpat teutot keumeunyan dan keu teupeugét geuritan keu patong-patong kerub deungon sayeub meulinteung di ateueh Peuto Peujanjian TUHAN.
19 Lé Nabi Daud geupeugah, "Banmandum nyan ka teucetet nyang paih deungon reuncana nyang ka teutuléh nyang ka geutunyok lé TUHAN ubak ulôn mangat ulôn peubuet reuncana nyan."
20 Óh lheueh nyan lé Nabi Daud geupeugah lom ubak aneuëk gobnyan Nabi Sulaiman, "Gata harôh yakén dan gata jeuet. Tapeuphon kheueh meubuet nyan dan gata bék yo mubacut pih keupeue mantong. TUHAN Allah nyang ulôn seumah geutulông gata. Allah hana geutinggai gata. Gobnyan teutab na sabe disampeng gata sampoe nyang gata peubuet nyan seuleusoe.
21 Peumbagian tugaih iébadat didalam Baét TUHAN ka geupeuteuntée lamkawan teungku imeum dan ureuëng Lewi. Ureuëng-ureuëng keureuja nyang carông dan ahli lam bideung jih maséng-maséng teuma geutulông gata deungon galak até, dan mandum peumimpén meunan cit deungon banmandum rakyat teuma jitaát ubak peue nyang gata peurintah."


Chapter 29

1 Laju geupeugah lé Nabi Daud ubak banmandum ureuëng nyang na meusapat disinan, "Nibak banmandum aneuëk agam ulôn, Nabi Sulaiman kheueh nyang geupiléh lé Po teu Allah. Teuma jihnyan mantong that putik gohlom na peungalaman, seudangkan buet-buet nyoe keubit that rayeuk. Lom teuma nyang teupeudong nyan bukon kheueh saboh meuligoe keu manusia, teuma na kheueh Baét keu TUHAN Allah.
2 Bahan-bahan keu baét nyan meunan cit deungon mubagoe macam peurabot jih ka ulôn keubah deungon sigala keumampuan ulôn. Nibak ulôn ka na lôn keubah méuh, pirak, peurunggu, beuso, kayée, batée-batée meuhareuga dan batée-batée peumata, meunan cit deungon batée-batée nyang meubagoe wareuna keu hiasan-hiasan dan lumpah that le batée pualam.
3 Dan sabab cinta ulôn keu Baét Po teu Allah ulôn ka teuma ulôn seurah pirak ngon méuh nibak hareuta milék ulôn keudroe:
4 méuh nyang paleng gét na 100 ton leubeh, dan pirak nyang aseuli leubeh kureueng na teuma 240 ton keu ngon seupoh nibak bintéh Baét TUHAN, dan keu beunda-beunda nyang harôh jipeubuet lé ureuëng teunaga ahli. Nyang kheueh, jinoenyoe solom nyang jitem bri peuseumahan keu TUHAN deungon sigala mangat até?"
6 Lé sababnyan, bubena ulée kawöm, ulée sukée, bubena peuwira dan nyang tanggong jaweueb hareuta milék raja geupeugah bahwa awaknyan pih na meuheut keuneuk bri sumbangan.
7 Lé awaknyan pi laju jibri nyang teupeugah lom nyoe, atranyoe keu ngon peugét Baét TUHAN: méuh 170 ton leubeh, pirak 340 ton leubeh, peurunggu rab na 620 ton, dan beuso 3.400 ton leubeh.
8 Ureuëng-ureuëng nyang na batée peumata jijok laju ubak Yehiel mangat teupeutamong lam kaih Baét TUHAN. (Yehiel na kheueh sidroe lamkawan ureuëng Lewi nibak kawöm Gerson.)
9 Rakyat jijok nyan deungon rela até keu TUHAN dan awaknyan galak that sabab ka le that nyang ka jipeuseumah. Meunan cit deungon Nabi Daud lumpah that galak até jih.
10 Dikeue rakyatba nyan Nabi Daud laju geupujo TUHAN. Gobnyan geupeugah, "Ya TUHAN Po teu Allah nyang geuseumah lé Nabi Yakub indatu kamoe, teupujo kheueh TUHAN siumu masa!
11 Droeneueh keubit rayeuk dan meukuasa, Droeneueh mulia, jaya dan agong. Peue mantong na di langét dan nyang na di ateueh bumoe na kheueh atra Droeneueh. Droeneueh raja nyang agong, nyang mat kuasa ateueh peue-peue nyang na.
12 Mandum keukayaan dan keumakmuran asai jih nibak Droeneueh; peue-peue mantong nyang na Droeneueh kuasa deungon teunaga dan keudaulatan Droeneueh; Droeneueh meukuasa hase neupeujeuet so mantong ureuëng jeuet keu ureuëng rayeuk dan teuga.
13 Jinoenyoe, Ya Allah kamoe, kamoe peugah syukoe ubak Droeneueh, dan kamoe pujo nan Droeneueh nyang agong.
14 Ulôn ngon rakyat ulôn nyang sikeubit jih hana meuhase kamoe jok sapeue keu Droeneueh, sabab peue mantong nyoe na kheueh atra Droeneueh dan peue nyang kamoe bri nyoe na kheueh atra Droeneueh cit teuma.
15 Droeneueh neuteupeue ya, TUHAN, saban cit lagée indatu kamoe, kamoe pih kamoe rasa udebnyoe saban lagée ureuëng jamé dan ureuëng aséng. Udeb kamoe lagée bubayang yohmasa ilée, dan kamoe hana jeuet kamoe tuwoe ubak maté.
16 Ya TUHAN, Allah kamoe, banmandum barang nyang muyuemnyoe kamoe peusapat disinoe keu teupeudong saboh baét keu Droeneueh mangat kamoe hase kamoe horeumat keu nan Droeneueh nyang suci. Teuma banmandum nyan kamoe teurimong nibak Droeneueh keudroe dan atranyan na kheueh atra Droeneueh keudroe.
17 Ulôn meuteupeue bahwa TUHAN neu ujoe até tieb-tieb manusia dan TUHAN neugalak keu até nyang gleh murni. Deungon até nyang tuloih ikhlas dan mangat até ulôn peuseumah banmandum nyoe keu Droeneueh. Ulôn ka lheueh ulôn ngieng pakriban umat Droeneueh nyang na meusapat disinoe jiba peuseumahan awaknyan keu Droeneueh deungon seunang até.
18 Ya TUHAN Allah, TUHAN nyang geuseumah lé Nabi Ibrahim, Nabi Ishaq dan Nabi Yakub, indatu kamoe, bah kheueh TUHAN neujaga mangat umat Droeneueh teutab cinta Droeneueh lagée nyang ka teujadi nibak uroenyoe dan neutulông kheueh mangat awaknyan siumu masa teutab seutia ubak Droeneueh.
19 Neubri kheueh keu Nabi Sulaiman, aneuëk agam ulôn, keuheundak nyang bit-bit mangat jeuet jiseutôt banmandum peurintah Droeneueh dan mangat jipeudong baét iébadat nyang peusiapan jih ka lheueh ulôn peubuet."
20 Óh ka lheueh geumeudoá nyang lagéenyan, Nabi Daud laju geupeugah ubak ureuëng ramé nyang na disinan, "Pujoe kheueh TUHAN Po teu Allah gata!" Teuma di ureuëng ramé nyan pih laju geumeurateb ngon jipujoe TUHAN, Allah nyang geuseumah lé indatu awaknyan. Lheuehnyan awaknyan laju jisujut sira jibri horeumat ubak TUHAN dan raja.
21 Uroe nyang laén awaknyan laju jisie beulatang peulara keu jipeuseumah sibagoe keureubeuen keu TUHAN, dan uengkot sie nyan laju geubagi-bagi keu rakyat. Seulaén nibak nyan na teuma 1.000 boh leumô agam, 1.000 boh bubiri agam dan 1.000 boh teuma bubiri muda nyang geusie dan geutot deungon sampoereuna di ateueh miseubah. Meunan cit awaknyan jipeuseumah teuma anggô nyang ka teupeuwajéb keu keureubeuen-keureubeuen nyan.
22 Bak uroenyan awaknyan jipajoh khanuri deungon galak dan mangat até dikeue Po teu Allah. Dan nyang keu duagoe jih awaknyan jipeumaklumkan Nabi Sulaiman sibagoe raja. Ateueh nan TUHAN, awaknyan laju geubaiát Nabi Sulaiman sibagoe raja dan Teungku Imeum Zadok geu baiát sibagoe teungku imeum.
23 Dan sibagoe geunantoe Nabi Daud ureuëng syiek gobnyan, Nabi Sulaiman geuduek nibak takhta nyang ka geupeuteutab lé TUHAN. Gobnyan na kheueh raja nyang ade lom carông dan jiseugan lé banmandum bansa Israel.
24 Banmandum peujabat keurajeuen dan tantra sampoe ubak aneuëk-aneuëk agam Nabi Daud nyang laén pih jiaku Nabi Sulaiman nyan sibagoe raja.
25 TUHAN ka geupeujeuet banmandum rakyat jikagom keu Raja Nabi Sulaiman dan geupeujeuet gobnyan keu raja nyang paleng hebat nibak raja tohmantong nyang ka lheueh jimat peurintah ateueh nanggroe Israel.
26 Nabi Daud aneuëk Isai geumat peurintah bansaboh nanggroe Israel
27 peuet ploh thon treb jih. Di Hebron na geumat peurintah nyang treb jih 7 thon dan di Yerusalem na
33 thon.
28 Gobnyan ureuëng kaya dan teuhoreumat dan meuninggai donya bak umu nyang ka seb tuha. Nabi Sulaiman aneuëk agam gobnyan jeuet keuraja keugeunantoe gobnyan.
29 Riwayat udeb Nabi Daud nibak phon sampoe akhé ka na teucetet didalam kitab Nabi Samuel, Nabi Natan dan Nabi Gad.
30 Didalam kitab nyan teucalitra keuhai peumeurintahan gobnyan, kuasa gobnyan dan peue mantong nyang na teujadi u ateueh droe gobnyan, ateueh Israel dan keurajeuen-keurajeuen nyang na tô-tô ngon nanggroe Israel.